کوویڈ کے نام پر نجی اسپتالوں میں بدعنوانی اور سرکاری اسپتالوں کی بدنظمی کے خلاف کارروائی کا مطالبہ؛ اقدامات نہ کرنے کی صورت میں ایس ڈی پی آئی نے دیا احتجاج کا انتباہ

Source: S.O. News Service | Published on 13th July 2020, 10:54 PM | ساحلی خبریں | ریاستی خبریں |

منگلورو،13؍جولائی (ایس او نیوز؍پریس ریلیز) سوشیل ڈیموکریٹک پارٹی آف انڈیا (ایس ڈی پی آئی) کرناٹک کے ریاستی نائب صدر اڈوکیٹ مجید خان نے منگلور پریس کلب میں ایک پریس کانفرنس سے خطاب کرتےہوئےکہا کہ ملک بھر میں کوویڈ کے واقعات میں اضافہ ہورہا ہے۔ ہماری ریاست کرناٹک میں بھی یہ بیماری تیزی سے پھیل رہی ہے۔ ایسے میں کرناٹک حکومت نے کورونا کے علاج کیلئے نجی اسپتالوں کو موقع فراہم کیا ہے۔ لیکن نجی اسپتالوں نے مریضوں کا من مانی بل بنانے کے ذریعے رقم لوٹنے کا معمول بنالیا ہے۔ پہلے سے ہی کورونا سے خوف زدہ لوگوں کو اس نے مزید دہشت میں مبتلا کردیا ہے۔

نجی اسپتالوں میں کوویڈ کی جانچ کیلئے 4500 کی رقم کے ساتھ ڈاکٹروں کیلئے پی ای ای کٹ کے نام سے مزید 8000 کی رقم وصول کی جارہی ہے۔ مریضوں کو روزانہ  15تا 20ہزار کا مہنگا بل بنا کر کورونا کو تجارت بنانے کی صورت حال پیدا ہوگئی ہے۔ بنگلور کے اکثر اسپتالوں میں عام بیماریوں کا علاج کرنے سے انکار کرنے کی رپورٹیں موصول ہورہی ہیں۔اس کی وجہ سے لوگوں کو ایمرجنسی علاج کے بغیر مشکلات کا سامنا کررہے ہیں۔ نجی اسپتالوں کی لوٹ مار کے دھندے کے متعلق اور لیاب ٹیسٹ کے بارے میں شکوک وشبہات کو عوا م نے سماجی ویب سائٹس میں ظاہر کیا ہے۔ پیر درد، زچکی یا کسی بھی قسم کی چھوٹی سی بیماری کے علاج کیلئے نجی اسپتالوں کا رخ کرنے پر زبردستی کورونا ٹیسٹ کرانے کے ساتھ زیادہ تر مریضوں کو رپورٹ مثبت آنا، اسی طرح منفی بتا کر گھر بھیجنے والوں کو بعد میں مثبت بتاکر اسپتال میں ایڈمیٹ کرنے کے واقعات بھی سامنے آئی ہیں۔ اس کی وجہ سے لوگ اسپتالوں کو جانے سے ڈر کر گھروں میں ہی رہتے ہوئے موت کا شکار ہونے کی صورت حال  پیدا ہو گئی ہے۔

ایس ڈی پی آئی کے ریاستی لیڈران اور جنوبی کرناٹک ضلع کمیٹی نے پریس کانفرنس میں کہا کہ کورونا جیسے مہلک وائرس سے عوام خوف زدہ ہیں اور اس کا فائدہ اٹھاکر نجی اسپتالیں لوٹ مار کا دھندہ کررہی ہیں۔ معاشی طور پر کمزور اور غریب لوگ  اس سے متاثر ہورہے ہیں۔ میڈیکل مافیا کو اگر حکومت نے روکنے کیلئے مناسب اقدامات  نہیں کئے تو اس قسم کے اسپتالوں کے خلاف ایس ڈی پی آئی عوامی احتجاج کرے گی۔

پریس کانفرنس میں ریاستی سکریٹری اشرف ماچار، جنوبی کرناٹک ضلعی جنرل سکریٹری شاہول ایس ایچ، ضلعی سکریٹری اشرف منچی موجود رہے۔ 

ایک نظر اس پر بھی

بھٹکل کے ایک عالم دین کی صرف 47 دنوں میں حفظ قران کی تکمیل پر تہنیتی جلسہ

نوجوان عالم دین عبدالغفار کی صرف 47 دنوں کے اندر حفظ قران مکمل کرنے پر ان کے اعزاز میں مسجد ابوہریرہ میں ایک تقریب کا انعقاد کیا گیا جس میں ان کی تہنیت کی گئی اور انہیں  مبارکباد سمیت انعامات سے نوازا گیا۔

بھٹکل کا نوجوان اُدیاور میں ہوئے سڑک حادثہ میں شدید زخمی؛ علاج کے لئے مالی تعاون کی اپیل

بھٹکل مخدوم کالونی کا ایک نوجوان اُڈپی کے اُدیاور میں سڑک حادثہ میں شدید زخمی ہوا ہے اور اسے منی پال کستوربا اسپتال شفٹ کیا گیا ہے، نوجوان کی مالی حالت کمزور ہونے  کی وجہ سے علاج کے لئے  قریب تین لاکھ  روپیوں کی فوری ضرورت ہے۔ نوجوان کی شناخت سمیرسوکیری (34) کی حیثیت سے کی گئی ...

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

بنگلورو تشدد : علما نے دلت ایم ایل اے کے گھر کو از سر نو تعمیر کرنے کی پیشکش کی

نگلورو کے تشدد زدہ علاقوں میں امن و اتحاد برقرار رکھنے کیلئے علما کرام نے ایک بڑا قدم اٹھایا ہے۔ کرناٹک کے امیر شریعت مولانا صغیر احمد رشادی کی قیادت میں علما کرام کے وفد نے آج شہر کے متاثرہ علاقے ڈی جے ہلی اور کاول بیسندرا کا دورہ کیا ۔ سب سے پہلے علما کرام نے ڈی جے ہلی پولیس ...

بنگلورو تشدد : 175 ملزمین گرفتار ، احتیاطی طور پر ان علاقوں میں حفاظتی انتظامات، 15 اگست تک دفعہ 144 نافذ

 11 اگست کی رات پیش آئے تشدد کے واقعات کے بعد شہر کے ڈی جے ہلی ، کے جی ہلی اور کاول بیسندرا علاقوں میں حالات پوری طرح قابو میں آچکے ہیں ۔ احتیاطی طور پر ان علاقوں میں حفاظتی انتظامات مزید پختہ کردئے گئے ہیں ۔

چکمنگلورو میں شنکراچاریہ کے مجسمہ پر ’میلاد کا جھنڈا‘ ملنے سے حالات کشیدہ، ملند نامی شخص نکلا قصوروار!

کرناٹک کی راجدھانی بنگلورو میں ہونے والے فرقہ وارانہ تشدد کی آگ ابھی ٹھنڈی بھی نہیں ہوئی کہ ریاست کے چکمنگلورو میں آدی شنکراچاریہ کے مجسمہ کی چھت پر عید میلاد النبی کا جھنڈا پائے جانے سے علاقہ میں کشیدگی پھیل گئی۔ یہ جھنڈا بارش کی وجہ سے بھیگا ہوا تھا اور اسے جمعرات کے روز ...

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔