نئی دہلی،09/ستمبر(ایس او نیوز/ آئی این ایس انڈیا) کورونا وائرس کی وجہ سے ملک بھر میں اسکول ایک طویل وقت سے بند ہیں۔ طلباء اپنے گھروں میں رہنے پر مجبور ہیں۔ لیکن اب ایک بار پھر طلباء اپنے اسکول جاسکیں گے۔

وزارت صحت و خاندانی بہبود نے 21 ستمبر سے اسکولوں کو دوبارہ کھولنے کی اجازت دے دی ہے۔ 21 ستمبر سے نویں جماعت سے بارہویں جماعت کے طلباء کے لئے اسکول کھولے جائیں گے۔ وزارت نے ان کلاسز کے کھولنے کے لئے ہدایات جاری کیا ہے تاکہ اسکول آنے والے طلباء کی حفاظت کو یقینی بنایا جاسکے۔

ایس او پی کے مطابق نویں سے بارہویں جماعت کے طلباء اگر اپنے اساتذہ سے رہنمائی حاصل کرنے کے لیے اسکول جانا چاہیں تو وہ جاسکیں گے، لیکن اس کے لیے طلبا کو تحریری طور پر اپنے والدین سے اجازت لینا ہوگی۔

وزارت صحت نے یہ معلومات ٹویٹر ہینڈل کے ذریعے دی۔ وزارت نے کہاکہ وزارت صحت کوویڈ 19 کے حوالے سے اپنے اساتذہ سے رہنمائی حاصل کرنے کے لئے رضاکارانہ طور پر نویں سے بارہویں جماعت کے طلباء کے لئے اسکولوں کے دوبارہ کھولنے کے لئے ایس او پی جاری کررہا ہے۔

وزارت صحت وخاندانی بہبود نے سماجی دوری کے حوالے سے ہدایات اصول جاری کیے ہیں، جن میں چہرے پرماسک کا استعمال اور طلباء کے مابین چھ فٹ کا فاصلہ برقرار رکھنا ضروری ہے، اروگی سیتو ایپ کو انسٹال کرنا اور تھوکنے سے منع کیا گیا ہے۔

وہیں کنٹینمنٹ زون میں رہنے والے طلباء، اساتذہ یا ملازمین کو اسکول جانے کی اجازت نہیں ہوگی۔ اسکولوں کو دوبارہ کھلنے سے پہلے سینٹائرز کیا جائے گا۔ طلباء کے بیٹھنے کا انتظام ایسا کیاجائے گا کہ ان کے درمیان 6 فٹ کی دوری برقرار رہے۔ کھیل کود سے متعلق سرگرمیوں کو لے کر طلباء کو ایک ساتھ جمع ہونے کی ممانعت ہے، کیونکہ انفیکشن پھیلنے کا خطرہ ہوگا۔ہدایات میں یہ بھی بتایا گیا ہے کہ آن لائن اور ڈسٹنسنگ لرننگ جاری رہے گی۔