امدادی اسکولوں میں اساتذہ کے خالی عہدے بھرتی کرنے منظوری، اگلے تعلیمی سال کا آغاز یکم جولائی سے ہوگا: سریش کمار
وجیا پورہ،24؍جنوری (ایس او نیوز) ریاستی وزیر برائے پرائمری و سکینڈری تعلیم ایس سریش کمار نے آج کہا کہ امدادی اسکولوں میں وظیفہ یاب اور انتقال کرجانے والے اساتذہ کی جگہ نئے اساتذہ کا تقرر کرنے فائنانس ڈپارٹمنٹ سے انہو ں نے بات کی ہے۔اب ان خالی عہدوں پر فوری بھرتی کی جاسکتی ہے۔شہرمیں نامہ نگاروں سے بات کرتے ہوئے انہوں نے کہا کہ اساتذہ کے تبادلوں کے درمیان کے اے ٹی نے رکاوٹ کھڑی کی ہے۔ لیکن نئے اساتذہ کے تبادلوں سے متعلق تاخیر کردی ہے۔اسی وجہ سے تبادلوں میں تاخیر ہوئی ہے۔ اس سلسلہ میں محکمہ کے افسروں سے وہ تبادلہ خیال کریں گے۔
تعلیمی سال کا آغاز: سریش کمار نے بتایا کہ ریاست میں کورونا وباء کی وجہ سے بورڈ امتحانات ایس ایس ایل سی اور پی یو سی دوم امتحانات کے لئے تاریخ کا اعلان کیا جاچکا ہے۔انہوں نے بتایا کہ اس مرتبہ تعلیمی سال برائے 2021-2022 کا آغاز یکم جولائی سے کرنے کا اعلان کیا گیا ہے۔