شیو کمار کو سپریم کورٹ سے راحت، ضمانت کے خلاف عرضی خارج، ’ای ڈی‘ کو پھٹکار

Source: S.O. News Service | Published on 15th November 2019, 11:31 PM | ریاستی خبریں | ملکی خبریں |

بنگلورو،15/نومبر(ایس او نیوز/ایجنسی) کانگریس لیڈر ڈی کے شیو کمار کو منی لانڈرنگ معاملہ میں سپریم کورٹ سے بڑی راحت ملی ہے۔ سپریم کورٹ نے ڈی کے شیو کمار کی ضمانت ختم کرنے کے لئے دائر انفورسمنٹ ڈائریکٹوریٹ (ای ڈی) کی درخواست مسترد کر دی ہے۔ سماعت کے دوران جسٹس نریمن نے ای ڈی کو سرزنش بھی کی۔

جسٹس نریمن نے ای ڈی کے افسران سے سپریم کورٹ کے فیصلوں کا مطالعہ کرنے کی صلاح دیتے ہوئے کہا کہ ’ہمارے فیصلوں کو ہلکے میں نہیں لیا جا سکتا۔‘ سپریم کورٹ نے ای ڈی سے مزید کہا کہ ’ملک کے شہریوں کے ساتھ سلوک کرنے کا یہ کوئی طریقہ نہیں ہے۔‘

سماعت کے دوران سپریم کورٹ نے ای ڈی کی سرزنش کرتے ہوئے کہا کہ آپ ڈی کے شیو کمار کے معاملہ میں پی چدمبرم کی دلیل پیش کررہے ہیں! یہ ’کاپی پیسٹ‘ ہے اور اس میں کوئی تبدیل نہیں کی گئی ہے۔ سپریم کورٹ نے ای ڈی کو نوٹس دیا ہے کہ ڈی کے شیوکمار کیخلاف درج کی گئی ایف آئی آر کو منسوخ کیا جائے۔ ای ڈی نے دہلی ہائی کورٹ کے فیصلے کو سپریم کورٹ میں چیلنج کیا تھا۔

غورطلب ہے کہ 23 اکتوبر کو دہلی ہائی کورٹ نے منی لانڈرنگ (غیر قانون لین دین) کیس میں شیو کمار کو 25 لاکھ کے ذاتی مچلکہ پر ضمانت دی تھی۔ علاوہ ازیں ہائی کورٹ نے انہیں حکم دیا تھا کہ وہ بغیر اجازت ملک سے باہر نہ جائیں اور تحقیقات میں تعاون کریں۔ ڈی کے شیو کمار 25 اکتوبر تک عدالتی تحویل میں تہاڑ جیل میں بند تھے۔ قبل ازیں، ان کی ضمانت کی درخواست ذیلی عدالت سے مسترد ہو گئی تھی۔

ایک نظر اس پر بھی

کورونا سے متاثر ہو کرمرنے والوں کی تدفین میں رکاوٹ درست نہیں، لاک ڈاؤن ہو یا نہ ہو اپنے آپ احتیاط برت کر وائرس سے بچنے کی کوشش کریں: ضمیر احمد خان

شہر بنگلورو میں کورونا وائرس کے کیسوں کی تعداد میں جس طرح کا بے تحاشہ اضافہ ہو رہا ہے اسی رفتار سے اس مہلک وباء کی زد میں آکر مرنے والوں کی تعداد میں بھی اضافہ ہو تا جارہا ہے۔ اس وباء کا شکار ہو کر مرنے والے افراد کی تدفین اور دیگر آخری رسومات کے لئے عالمی صحت تنظیم کی طرف سے جو ...

کوروناروک تھام اورکووڈطبی آلات کی خریداری میں 2,200کروڑروپے کا غبن

عالمی وباکوروناوائر س کی روک تھام اورمتاثرین کے علاج ومعالجہ کے لیے درکارطبی آلات کی خریداری میں 2,200کروڑروپے کابڑامالی گھوٹالہ ہواہے۔یہ گمبھیرالزام اپوزیشن لیڈروسابق وزیراعلیٰ سدارامیا نے عائدکیاہے۔

کوروناکاقہر جاری،کرناٹک میں ایک ہی دن 21اموات، 24گھنٹوں کے دوران بنگلورومیں 994سمیت جملہ 1694کووڈکاشکار

ریاست میں آج ایک ہی دن کوروناوائرس کی زدمیں آکر21مریض ہلاک ہوگئے جبکہ 1694 کووڈمعاملات کا پتہ چلاہے۔ کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتاجارہاہے،

معروف عالم دین اور جمعیۃ علما ہند کے نائب صدر مولانا امان اللہ قاسمی کا انتقال

 کوہ کن کے معروف عالم دین اور جمعیۃ علما ء ہند کے نائب صدر مولانا امان اللہ قاسمی نے سنیچر کے روز مختصر علالت کے بعد 84 سال کی عمر میں داعی اجل کو لبیک کہہ دیا۔ موصوف قدیم دینی و علمی درسگاہ دار العلوم حسینیہ شری وردھن ضلع رائے گڑھ (مہاراشٹرا) کے مہتمم بھی تھے۔

’کیا چین کا ہندوستانی سرزمین پر قبضہ نہیں ہے؟ مودی جی کو بتانا چاہیے‘

 کانگریس نے کہا ہے کہ چین نے وادی گلوان میں ہندوستانی حدود میں دراندازی کی ہے اور اس کے فوجی دستے ملک کے اسٹریٹجک نقطہ نظر سے متعدد اہم علاقوں میں تعینات ہیں، اس لیے اب وزیر اعظم نریندر مودی کو یہ بتانا چاہiے کہ کیا چین کا ہندوستانی سرزمین پر قبضہ نہیں ہے۔