سپریم کورٹ کی راجستھان میں غیر قانونی ریت کان کنی پر روک لگانے کی ہدایت
نئی دہلی،19/فروری (ایس او نیوز/یواین آئی) سپریم کورٹ نے غیر قانونی ریت کان کنی کے سلسلے میں بدھ کو راجستھان حکومت کی سز زنش کرتے ہوئے ریاست میں بڑے پیمانے پر غیر قانونی ریت کان کنی پر رول لگانے کے لئے فوراً قدم اٹھانے کی ہدایت بدھ کو دی۔چیف جسٹس شرد اروند بوبڑے کی صدارت والی بینچ نے ریاستی حکومت،کلیکٹروں اور پولیس سپرنٹنڈنٹوں کو غیر قانونی کان کنی پر روک کے لئے فوری طورپر قدم اٹھانے کو کہا ہے ۔عدالت نے ریاستی حکومت کو چار ہفتے کے اندر رپورٹ سونپنے کی بھی ہدایت دی ہے ۔سپریم کورٹ نے مرکزی اختیاراتی کمیٹی (سی ای سی)کو راجتھان میں غیر قانونی کان کنی معاملے کی جانچ کرنے کی ہدایت دی اور چھ ہفتے کے اندر اپنے مشوروں کے ساتھ رپورٹ پیش کرنے کو کہا۔جسٹس بوبڑے نے کہا،‘‘ریت کان کنی کی وجہ سے ماحولیات کو ناقابل تلافی نقصان ہورہاہے ۔’’عدالت راجستھان میں غیر قانونی ریت کان کنی کے سلسلے میں کئی عرضیوں کی مشترکہ سماعت کررہی ہے ۔