ٹی آر پی گھوٹالہ: ریپبلک ٹی وی کی عرضی پر سماعت سے سپریم کورٹ کا انکار

Source: S.O. News Service | Published on 15th October 2020, 9:50 PM | ملکی خبریں | ان خبروں کو پڑھنا مت بھولئے |

نئی دہلی،15؍اکتوبر(ایس او نیوز؍ایجنسی) ٹی آر پی گھوٹالہ کے معاملہ میں ریپبلک ٹی وی کو سپریم کورٹ سے کوئی راحت نہیں دی گئی، سپریم کورٹ نے عرضی پر سماعت کرنے سے انکار کر دیا اور عرضی گزار سے ہائی کورٹ سے رجوع کرنے کو کہا۔ جسٹس ڈی وائی چندرچوڈ، جسٹس اندو ملہوترا اور جسٹس اندرا بنرجی کی بنچ نے کہا کہ وہ اس عرضی پر سماعت نہیں کریں گے، اس کے لئے ٹی وی چینل کو ہائی کورٹ جانا چاہیے۔

سپریم کورٹ نے کہا کہ چینل کا دفتر ورلی میں واقع ہے جو کہ فلورا فاؤنٹین (جہاں بامبے ہائی کورٹ موجود ہے) کے نزدیک ہے۔ عدالت عظمیٰ نے کہا، ’’بہتر ہوگا کہ آپ کسی بھی طرح کی راحت کے لئے ہائی کورٹ سے رجوع کریں۔ سی آر پی سی کے تحت جانچ کا سامنا کرنے والے کسی بھی عام شہری کی طرح آپ کو بھی ہائی کورٹ میں جانا چاہیے۔‘‘

عدالت نے عرضی گزاروں سے پوچھا کہ وہ پہلے بامبے ہائی کورٹ کیوں نہیں گئے؟ عدالت نے کہا کہ ہائی کورٹ میں یہ معاملہ پہلے ہی جا چکا ہے اور ہائی کورٹ سے علیحدہ اس عرضی پر غور کرنے سے یہ پیغام جائے گا کہ ہمیں اعلیٰ عدالتوں پر بھروسہ نہیں ہے۔ اس کے بعد چینل کی طرف سے پیش ہونے والے وکیل ہریش سالوے نے عرضی کو واپس لے لیا۔ توقع کی جا رہی ہے کہ اب ریپبلک ٹی وی کی طرف سے بامبے ہائی کورٹ میں عرضی دائر کی جائے گی۔

واضح رہے کہ یہ عرضی اے آر جی آؤٹ لائر میڈیا پرائیویٹ لمٹیڈ اور ریپبلک ٹی وی کے ایڈیٹر ان چیف ارنب گوسوامی نے داخل کی ہے۔ عرضی میں ٹی آر پی گھوٹالہ میں ریپبلک ٹی وی کے عہدیدارووں کو جاری کیے گئے سمن کو چیلنج کیا گیا ہے۔ عرضی میں مہاراشٹر حکومت کے علاوہ ممبئی پولیس کمشنر پرم بیر سنگھ، کاندیولی تھانہ کے ایس ایچ او، ممبئی کرائم برانچ، ہنسا ریسرچ گروپ اور حکومت ہند کو فریق بنایا گیا ہے۔

ایک نظر اس پر بھی

'ریپبلک ٹی وی' کے ادارتی عملہ کے خلاف ایف آئی آر، ممبئی پولس کو بدنام کرنے کا الزام

ممبئی پولس نے آج ریپبلک ٹی وی کے متعدد ادارتی عملے کے خلاف محکمہ پولس کی بدنامی اور اشتعال انگیزی کے الزامات کے تحت ایف آئی آر درج کی ہے۔ این ایم جوشی مارگ پولس اسٹیشن میں ممبئی سی آئی ڈی کے اسپیشل برانچ میں تعنیات پولس سب انسپکٹر ششکانت پوار کی شکایت پر ایف آئی آر درج کی گئی ہے۔

لاک ڈاؤن کے دوران مودی اور نتیش نے مہاجر مزدوروں کو بے سہارا چھوڑ دیا: راہل گاندھی

راہل گاندھی نے جمعہ کے روز سے بہار انتخابات کے لئے تشہیر کا آغاز کر دیا۔ تیجسوی یادو کے ساتھ نوادا میں مشترکہ ریلی سے خطاب کرتے ہوئے انہوں نے وزیر اعظم مودی اور بہار کے وزیر اعلیٰ نتیش کمار پر زبردست حملہ بولا۔

پاکستان سے لوٹی گیتا کو خودکفیل بنانے کی کوششیں جاری

 پاکستان سے ہندوستان لائی گئی قوت گویائی سے محروم لڑکی گیتا کو مدھیہ پردیش کے اندور میں پانچ سالوں تک ادارہ جاتی بازآبادکاری میں رکھنے کے بعد اب اسے یہیں معاشی طور سے خودکفیل اور معاشرتی بحالی کی جانب لے جانے کی کوشش شروع کردی گئی ہے۔

مینگلور ائرپورٹ سے27 لاکھ مالیت کا سونا اسمگل کرنے کی کوشش ناکام، کسٹم حکام نے کیا ضبط

مینگلور کے بجپے انٹرنیشنل ائرپورٹ پر کسٹم حکام  سونا اسمگل کرنے کی کوشش کتنی بھی ناکام بنادے اور وقفے وقفے سے لاکھوں مالیت کا سونا ضبط کرے، مگر گلف سے سونا اسمگل کرنے کی کوشش بند ہوتی نظر نہیں آرہی ہے۔ مسافر سونے کو الگ الگ طریقوں سے اسمگل کرنے کی کوشش کرتے ہیں مگر کسٹم حکام ...

کاروار: ڈرائیونگ لائسنس کے لئے اب کرنا ہوگا  90دنوں تک انتظار

ن لائن ذریعے سے ڈرائیونگ لائسنس حاصل کرنے کے لئے اب تک 30 د ن انتظار کرنا پڑتا تھا ، لیکن اب محکمہ نقل و حمل (ٹرانسپورٹ) نے نیا  حکم جاری کرتے ہوئے بتایا ہے کہ لرننگ اور پکا لائسنس آن لائن سلاٹ بک کرنے کے بعد آئندہ 90 دنوں تک انتظار کرنا پڑے گا۔