سعودی عرب:مئی میں پروازوں کی بحالی؛20 ممالک پر پابندی برقراررہے گی

Source: S.O. News Service | Published on 23rd April 2021, 10:35 PM | خلیجی خبریں |

ریاض،23؍اپریل (ایس او نیوز؍ایجنسی) سعودی عرب کی قومی فضائی کمپنی نے 17 مئی کو بین الاقوامی پروازوں کی بحالی کا اعلان کیا ہےمگر اس نے ایک مرتبہ پھرواضح کیا ہے کہ پاکستان سمیت 20 ممالک سے تعلق رکھنے والے مسافروں کے سعودی عرب میں داخلے پر پابندی برقرار رہے گی۔

سعودی وزارتِ داخلہ نے 3 فروری کو کرونا وائرس کوپھیلنے سے روکنے کے لیے متحدہ عرب امارات، مصر، لبنان، پاکستان، بھارت ،انڈونیشیا ،جاپان ، ترکی، جرمنی، ارجنٹینا،امریکا،جنوبی افریقا،سویڈن،فرانس، سوئٹزرلینڈ، برازیل ،پرتگال ،سویڈن،آئیرلینڈ اور اٹلی سے تعلق رکھنے والے مسافروں کے مملکت میں داخلے پر پابندی عاید کردی تھی۔

سعودی ائیرلائنز نے جمعرات کو ٹویٹر پر ایک شہری کے سوال کے جواب میں وضاحت کی ہے کہ مذکورہ ممالک سے تعلق رکھنے والے مسافروں پر پابندی قرار رہے گی جبکہ باقی ممالک کے لیے17 مئی سے بین الاقوامی پروازیں بحال کی جارہی ہیں۔

سعودی وزارت داخلہ کے اعلامیے کے مطابق فضائی سفر کے دوران میں ان 20ممالک میں سے گذرنے والے مسافروں کے داخلے پر پابندی رہے گی۔

سعودی وزیرداخلہ نے فروری میں جب پابندی عاید کی تھی تو ساتھ یہ بھی وضاحت جاری کی تھی کہ مذکورہ بالا ممالک سے آنے والے شہری، سفارت کار،شعبہ صحت سے وابستہ کارکنان اور ان کے خاندان اگر وہاں 14 روز تک مقیم رہے ہیں تومملکت میں داخلے کی صورت میں انھیں وزارت صحت کی نافذکردہ احتیاطی تدابیرکی پاسداری کرنا ہوگی اوروہ ان کی پاسداری کی صورت ہی میں داخل ہوسکتے ہیں۔‘‘

دریں اثناء سعودی عرب نے جمعرات کو کووِڈ-19 کے 1055 نئے کیسوں کی تصدیق کی اطلاع دی ہے۔گذشتہ 24 گھنٹے میں اس مہلک وائرس کا شکار11 مریض وفات پا گئے ہیں اور1086 مریض صحت یاب ہوگئے ہیں۔وزارتِ صحت کے مطابق مملکت میں اس وقت کووِڈ-19 کے فعال کیسوں کی تعداد 9776 ہے۔ان میں 1182کی حالت تشویش ناک ہے۔

ایک نظر اس پر بھی

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...

بھٹکل کمیونٹی جدہ کا سالانہ اجلاس؛ پروگرام میں "مرحوم زاہد رکن الدین ، ایک فرد ایک انجمن " کتاب کا بھی اجراء

بھٹکل مسلم کمیونٹی جدہ کا سالانہ اجلاس جمعرات مورخہ  26 اگست کو  جدہ کے گرین لینڈ  ہوٹل میں منعقد ہوا جس میں  جدہ جماعت سمیت بھٹکل مسلم خلیج کونسل کے سابق صدر مرحوم  سی اے زاہد رکن الدین صاحب کے  تعلق سے موصولہ تعزیتی قرار دادوں  اور تعزیتی خطوط پر مشتمل ایک کتاب "مرحوم زاہد ...