کینسر کے شکار سعودی استاد کی بسترعلالت سے طلبا کی تدریس
ریاض،16/ستمبر (آئی این ایس انڈیا)سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔
ذرائع کے مطابق سعودی عرب کے ابو عمر الدانی پرائمری اسکول کے معلم محمد الفیفی سے بات کرتے ہوئے بتایا کہ گذشتہ چار ماہ سے وہ اپنے کینسر کیمیائی تابکاری علاج کےلیے اسپتال میں داخل ہیں۔ جب سے سعودی عرب میں سیشن کروا رہے ہیں لیکن وہ اپنے طلباء سے ریاض کے ایک اسپتال میں اپنے کمرے سے گفتگو کرتے اور ان کی تدریس کے فرائض انجام دیتے ہیں۔
اساد محمد الفیفی نے العربیہ ڈاٹ نیٹ کو تفصیلات بیان کرتے ہوئے کہا کہ میں ریاض کے ابی عمرو ال دانی پرائمری اسکول میں عربی زبان کی تعلیم دیتا ہوں۔
انہوں نے اسپتال کے کمرہ علاج سے بچوں کی تدریس کے عمل کی ایک ویڈیو بھی سوشل میڈیا پر شیئر کی ہے جس میں انہیں بچوں کو فاصلاتی طریقے سے تعلیم دیتے دیکھے جا سکتے ہیں۔ استاد الفیفی پرائمری اسکول میں شعبہ عربی کے استاد ہیں۔
الفیفی نے مزید کہا کہ مجھے گذشتہ رمضان میں گردوں میں تکلیف ہوئی جس پر میں نے ڈاکٹر سے رجوع کیا۔ چیک اپ کے بعد پتا چلاکہ میں کینسر کا شکار ہوں اور میں نے وہاں سے فورا ہی اپنا علاج کرانا شروع کر دیا۔
تعلیم کے بارے میں بات کرتے ہوئے الفیفی نے کہا کہ میں اپنے پیشہ سے پرجوش ہوں اور تعلیم میں نئی پیشرفتوں کو جاری رکھنے کی کوشش کرتا ہوں۔ طلباء میری روزمرہ کی زندگی کا ایک حصہ بن چکے ہیں۔ میں ان کی تعلیم اور تربیت سے لطف اندوز ہوتا ہوں۔