سعودی عرب میں سرکاری اور نجی شعبے کی عیدالاضحیٰ کی تعطیلات کا اعلان

Source: S.O. News Service | Published on 20th July 2020, 9:58 PM | خلیجی خبریں |

ریاض،20؍جولائی(ایس او نیوز؍ایجنسی) سعودی عرب نے سرکاری اور نجی شعبے کے ملازمین کے لیےعیدالاضحیٰ کی تعطیلات کا اعلان کردیا ہے۔

سعودی حکومت کے ایک بیان کے مطابق نجی شعبے کے ملازمین عید پر29 جولائی سے دو اگست تک چار روز چھٹی کریں گے اور تین اگست کو کام پر واپس آئیں گے۔

سعودی پریس ایجنسی ( ایس پی اے) کے مطابق سرکاری ملازمین عید قربان کے موقع پر دو ہفتے تک چھٹیاں کریں گے۔وہ 23 جولائی سے 8 اگست تک چھٹی پر ہوں گے اور 9 اگست کو دفاتر میں حاضری دیں گے۔

سعودی عرب کے لیبر قوانین کے مطابق اگر عید کی چھٹیاں کسی ملازم کی معمول کی ہفتہ وار تعطیل میں آئیں تو اس ملازم یا ملازمہ کا ان چھٹیوں سے پہلے یا بعد میں ازالہ کیا جائے گا اور انھیں چھٹی دی جائے گی۔

دنیا بھر کے مسلمان عید الاضحیٰ 10 ذی الحجہ کو مناتے ہیں۔اس سے ایک روز پہلے مکہ مکرمہ میں حجاج کرام حج کا رکنِ اعظم وقوفِ عرفات ادا کرتے ہیں اور رات کو مزدلفہ میں قیام کرتے ہیں۔

مسلمان اپنی عیدین ،رمضان اور حج ایسے فرائض کے ایّام کا تعیّن نئے قمری ہلال کی رؤیت سے کرتے ہیں۔قمری سال 254 یا 255 دنوں پر مشتمل ہوتا ہے۔عید الاضحیٰ کے تین ایام میں صاحب استطاعت مسلمان اللہ کے نام پر حلال جانور ذبح کرتے ہیں۔ یہ قربانی حضرت ابراہیم خلیل اللہ علیہ السلام کی عظیم سنت ہے۔

ایک نظر اس پر بھی

سعودی عرب کی حکومت کا اہم فیصلہ

سعودی پبلک پراسیکیوشن نے قانون تحفظ اطفال کے حوالے بعض نکات کی وضاحت کی ہے، جس کے مطابق بچوں کے ساتھ کیے جانے والے غیر قانونی سلوک پر سخت سزائیں دی جائیں گی۔ ...

مطافِ کعبہ میں تنہا دعا کرنے والی دنیا کی خوش قِسمت خاتون

کورونا وائرس کی وَبا کے پیش نظر اس مرتبہ حج کے ایّام میں بعض بڑے نادر اور منفرد واقعات پیش آئے ہیں جن کا عام حالات میں تصور بھی ممکن نہیں۔ ایسے واقعات میں تازہ اضافہ ایک تنہا مسلم خاتون کی کعبۃ اللہ کے سامنے عبادت وریاضت ہے اور ان کے ساتھ مطاف میں کوئی دوسرا فرد نظر نہیں آرہا ہے۔