سعودی پولیس کی کامیاب کارروائی، تین ڈاکو گرفتار، 25 ملین ریال برآمد

Source: S.O. News Service | By Shahid Mukhtesar | Published on 29th May 2018, 12:48 PM | خلیجی خبریں |

ریاض 28مئی (ایس او نیوز؍ایجنسی)عرب میڈیا کے مطابق ریاض پولیس کو اطلاع ملی کہ شاہراہ خالد بن ولید پر مسلح ڈاکوؤں نے ایک نجی کمپنی کی گآڑی پر حملہ کرکے اس کے ایک گارڈ کو قتل اور دو کو زخمی کرکے گاڑی سے کم از کم 19 ملین ریال کی خطیر رقم لوٹ لی ہے۔

اطلاع ملتے ہی ریاض کے پولیس چیف میجر جنرل فہد بن زید المطیری نے کرائسز سیل قائم کرنے کے ساتھ ایک خفیہ ٹیم تشکیل دی جس نے کمال مہارت کا مظاہرہ کرتے ہوئے مسلح ڈکیتی میں ملوث ملزمان کا سراغ لگالیا۔

پولیس نے ریاض میں مسلح ڈاکوؤں کے ایک ٹھکانے پر چھاپہ مارا جہاں سے ایک یمنی شہری پکڑا گیا، ٹھکانے کی تلاشی کے دوران لوہے کے صندوقوں میں چھپائی گئی رقم برآمد کی گئی، گرفتار ملزم کی نشاندہی پر اس کے دو ساتھیوں کو بھی گرفتار کرلیا گیا۔

گرفتار ملزمان نے تفتیش کے دوران اپنی مزید تین ڈکیتیوں کا اعتراف کیا، ایک ڈکیتی میں انہوں نے دو ملین، دوسری میں کم از کم چار ملین کی رقم لوٹی تھی جبکہ تیسری ڈکیتی میں لوٹی گئی رقم کی مالیت ایک ملین ریال سے زائد تھی۔

ملزمان کے قبضے سے دو پستول، 31 گولیاں، نو موبائل فونز، یمن کے پاسپورٹس، دو لیپ ٹاپ، موبائل فون کی سمیں اور بینک کی چیک بکس بھی برآمد کرلی گئیں۔

ایک نظر اس پر بھی

جدہ میں بھٹکل کمیونٹی کی جانب سے "پیغام انسانیت اور دورِحاضر میں ہماری ذمہ داریاں" کے موضوع پر خوبصورت پروگرام

معروف عالم دین ، داعی اور کل ہند تحریک پیام انسانیت کے جنرل سکریٹری  مولانا بلال حسنی ندوی کی عمرہ کے لئے مکہ مکرمہ کی آمد پر  پیر  17فروری کو بھٹکل کمیونٹی جدہ کی جانب سے جدہ میں "پیغام انسانیت اور دورِحاضر میں ہماری ذمہ داریاں" کے موضوع پر ایک پروگرام منعقد کیا گیا جس ...

سعودی عرب: ٹرانسپورٹ سے متعلق جُرمانوں کی نئی فہرست میں 221 خلاف ورزیوں کا تعین

سعودی عرب میں ٹریفک کے نظام کی بہتری کے لیے نئے اقدامات کا سلسلہ جاری ہے۔ اس حوالے سے تازہ ترین پیش رفت میں ٹرانسپورٹ اور بسوں کو کرائے پر دیے جانے کی سرگرمیوں سے متعلق 221 خلاف ورزیوں کا تعین کیا گیا ہے۔ ٹریفک کے نظام کے تحت ان میں سے بعض خلاف ورزیوں پر جرمانے کی رقم 5 ہزار ریال تک ...

 کیا نئے قطری وزیراعظم بدعنوانی کے کیس میں ماخوذ ہیں؟

قطر کے نئے وزیراعظم شیخ خالد بن خلیفہ آل ثانی کامبیّنہ طور پر ملک میں کھیلوں کے عالمی مقابلوں کے انعقاد کے لیے بدعنوانی کی ایک ڈیل سے تعلق رہا ہے۔شیخ خالد قطر کے شاہی خاندان کے رکن ہیں۔وہ ملک کے وزیر داخلہ بھی رہ چکے ہیں۔فرانسیسی آن لائن تحقیقاتی جریدے میڈیا پارٹ اور برطانوی ...

سعودی وزارت ثقافت کی جانب سے’نیشنل تھیٹر پروجیکٹ‘کا آغاز

سعودی عرب میں وزارت ثقافت کے زیر انتظام ’نیشنل تھیٹر پروجیکٹ‘ کا آغاز ہو گیا ہے۔ پروجیکٹ کے آغاز کا اعلان منگل کی شام درالحکومت ریاض کے ’کنگ فہد کلچرل سینٹر‘ میں وزیر ثقافت شہزادہ بدر بن عبداللہ بن فرحان کی سرپرستی میں ہوا۔ اس موقع پر نامور فن کاروں، دانش وروں اور سعودی عرب ...