سعودی حکومت نے ’آبِ زمزم‘ لے جانے پرمکمل پابندی نہیں لگائی!

Source: S.O. News Service | Published on 20th May 2022, 7:39 AM | خلیجی خبریں |

ریاض، 20؍مئی (ایس او نیوز؍ایجنسی) بدھ کے روز کئی اخبارات میں ایسی خبریں شائع ہوئیں جس میں بتایا گیا کہ سعودی عرب نے عازمین حج کے آبِ زمزم لے جانے پر پابندی عائد کر دی ہے۔ اس سلسلے میں اب یہ وضاحت سامنے آئی ہے کہ 5 لیٹر آبِ زمزم جو عازمین حج کو ملتا رہا ہے، اس پر کسی طرح کی پابندی نہیں ہے۔ ہاں، یہ ضرور ہے کہ اس کے علاوہ کوئی بھی لیکوئڈ (جس میں آبِ زمزم بھی شامل ہے) عازمین حج اپنے ساتھ فلائٹ میں نہیں لے جا سکیں گے۔

دراصل سعودی ہوابازی اتھارٹی، جنرل اتھارٹی آف شہری ہوابازی (جی اے سی اے) کی طرف سے جاری کردہ حج ہدایات کے نئے نوٹیفکیشن میں کچھ ایسی باتیں لکھی گئی ہیں جس کا غلط مطلب نکالا گیا اور نتیجہ یہ ہوا کہ آبِ زمزم کی مکمل پابندی کی خبریں اشاعت پذیر ہو گئیں اور تیزی کے ساتھ پوری دنیا میں پھیل گئیں۔ مسلم طبقہ ان خبروں سے حیرت میں رہ گیا اور طرح طرح کے سوالات اٹھنے لگے۔ بعد ازاں اس کی تحقیق کیے جانے پر پتہ چلا کہ آبِ زمزم کے 5 لیٹر کا کنٹینر حسب سابق ملے گا، اس کے علاوہ کچھ عازمین حج اپنے ساتھ اضافی آبِ زمزم یا پھر دوسری لیکوئڈ چیزیں لے جاتے ہیں، اس پر سختی کے ساتھ پابندی لگائی گئی ہے۔

اس تعلق سے ’https://www.samaaenglish.tv‘ پر ایک فیکٹ چیک رپورٹ بھی شائع ہوئی ہے جس میں لکھا گیا ہے کہ ’’جب سماء ڈیجیٹل نے GACA کی ویب سائٹ سے نوٹیفکیشن حاصل کیا، تو حج ہدایات میں واضح طور پر ذکر کیا گیا ہے کہ زمزم کے پانی کی ’مجاز مقدار‘حجاج کرام کو اپنے ساتھ لے جانے کی اجازت ہوگی۔‘‘ رپورٹ کے مطابق ’’حکام نے تمام ایئرلائنز کو ہدایت دی ہے کہ وہ ہوائی جہاز پر آبِ زمزم بھیجے جانے کو یقینی بنائیں۔ ساتھ ہی کہا گیا ہے کہ حج سیزن کے اختتام تک ایئرپورٹ پر اس مقدس پانی کو نہ چھوڑا جائے۔‘‘ یعنی سبھی حجاج کرام کو 5 لیٹر آبِ زمزم ہر حال میں دستیاب کرانے کی ہدایت سعودی حکومت نے دے رکھی ہے۔

ایک نظر اس پر بھی

بھٹکل کا کھلاڑی ابوظبی انڈر۔16 کرکٹ ٹیم میں منتخب؛

بھٹکل کے معروف اور مایہ ناز بلے بازاور کوسموس اسپورٹس سینٹر کے سابق کپتان ارشد گنگاولی کے فرزند ارمان گنگاولی کو ابوظبی انڈر۔ 16 کرکٹ ٹیم میں شامل کیا گیا ہے جو جلد منعقد ہونے والے انڈر 16  ایمریٹس کرکٹ ٹورنامنٹ میں اپنے کھیل کا مظاہرہ کریں گے۔

ووٹنگ کے لئے خلیجی ممالک سے لوٹ آئے تیس ہزار سے زائد ملیالیس ؛ گلف کی مختلف جماعتوں پر لگی ہیں بھٹکل اور اُترکنڑا کے ووٹروں کی نگاہیں

ملک میں لوک سبھا کے  دوسرے مرحلہ  کے  انتخابات  جمعہ  26 اپریل کو ہونے والے ہیں ، جس میں  پڑوسی ضلع اُڈپی، مینگلور اور پڑوسی ریاست کیرالہ شامل ہیں۔ مگر اس بار  مودی حکومت سے ناراض   اور ملک میں جمہوری کو اقدار کو باقی رکھنے کے مقصد سے  کیرالہ کے تیس ہزار افراد صرف ووٹنگ کےلئے ...

قطر میں بھٹکل مسلم جماعت کی خوبصورت عید ملن تقریب

بھٹکل مسلم جماعت کی طرف سے حسب سابق۲ شوال  مطابق ١١ اپریل  بروز جمعرات قطر کے مختلف علاقوں میں رہائش پذیر بھٹکلی احباب کے لئے عید ملن کے نام سے ایک گیٹ ٹوگیدر تقریب کا اہتمام کیا گیا جس میں بچوں نے اپنی گوناگو صلاحیتوں کا مظاہرہ پیش کرتے ہوئے شریک حاضرین سے داد و تحسین حاصل ...

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...