سعودی عرب : کووِڈ-19 سے اموات 2000 سے متجاوز، 3392 نئے کیسوں کی تشخیص

Source: S.O. News Service | Published on 7th July 2020, 10:14 PM | خلیجی خبریں |

ریاض،7؍جولائی(ایس او نیوز؍ایجنسی) سعودی عرب نے گذشتہ 24 گھنٹے میں کرونا وائرس کے 3392 نئے کیسوں کی اطلاع دی ہے جبکہ پہلے سے اس مہلک وائرس کا شکار 49 مریض وفات پاگئے ہیں۔

سعودی وزارت صحت نے منگل کے روز اطلاع دی ہے کہ مملکت میں اب کل تصدیق شدہ کیسوں کی تعداد 217108 ہوگئی ہے اور کووِڈ-19 سے اموات 2000 سے متجاوز ہوگئی ہیں اور اب ان کی تعداد 2017 ہے۔

دارالحکومت الریاض میں گذشتہ چند روز کے بعد ایک مرتبہ پھر کرونا وائرس کے سب سے زیادہ کیس ریکارڈ کیے گئے ہیں۔ان کی تعداد 308 ہے۔اس کے بعد طائف میں 246 ، مدینہ منورہ میں 232 اور جدہ میں 227 نئے کیس رپورٹ ہوئے ہیں۔ باقی کیس سعودی عرب کے دوسرے صوبوں اور علاقوں سے رپورٹ ہوئے ہیں۔

وزارت صحت نے بتایا ہے کہ گذشتہ 24 گھنٹے میں کرونا وائرس کے مزید 5205 مریض صحت یاب ہوگئے ہیں اور اب تن درست ہونے والے مریضوں کی تعداد 154839 ہوگئی ہے۔

سعودی عرب کی وزارت حج وعمرہ نے سوموار کو کرونا وائرس کی وَبا کے پیش نظراس مرتبہ عازمین حج کے لیے صحت کے نئے معیارات کا اعلان کیا ہے اور ان پر پُورا اترنے والے افراد ہی کا حج کے لیے انتخاب کیا جائے گا۔

سعودی حکومت نے اس سال محدود پیمانے پر حج کی میزبانی کا اعلان کیا تھا اور عازمین حج میں مملکت میں مقیم 70 فی غیر سعودی اور 30 فی صد سعودی شہری ہوں گے۔ اس مرتبہ بیرون ملک سے کوئی حج کے لیے حجاز مقدس نہیں جائے گا۔

حجاج کرام کا دوسرا معیار یہ ہوگا کہ صرف ان سعودی شہری اور غیرملکی طبی کارکنان اور سکیورٹی فورسز کے اہلکاروں کو حج کی اجازت دی جائے گی جو کرونا وائرس کا شکار ہوگئے تھے مگر اب صحت یاب ہوچکے ہیں۔ان کے ترجیحی انتخاب کا مقصد مملکت میں کرونا وائرس کی وَبا کے خلاف جنگ میں ان کی شبانہ روز کاوشوں و خدمات کو سراہنا اور ایک طرح سے انھیں خراجِ تحسین پیش کرنا ہے۔

سعودی حکام کووِڈ-19 کے خلاف جنگ میں محاذاوّل پر خدمات انجام دینے والے ایسے ملازمین کے انتخاب کے لیے ڈیٹا بیس کو استعمال کریں گے جو خود بھی اس جان لیوا وائرس کا شکار ہوگئے مگر بعد میں تن درست ہوگئے ہیں۔

ایک نظر اس پر بھی

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

سعودی فرماں روا شاہ سلمان آرام کی غرض سے نیوم میں

خادم الحرمین الشریفین شاہ سلمان بن عبدالعزیز آل سعود بدھ کے روز تبوک صوبے کے سرحدی علاقے نیوم پہنچ گئے۔ سعودی فرماں روا وہاں آرام کی غرض سے کچھ وقت گزاریں گے۔ اس سے قبل شاہ سلمان بدھ کے روز دارالحکومت ریاض سے روانہ ہوئے تھے۔

یو اے ای : بیرون ملک مقیم مکینوں کی واپسی کے لیے پیشگی منظوری کی شرط ختم

متحدہ عرب امارات کی قومی ایمرجنسی کرائسِس اور ڈیزاسسٹر مینجمنٹ اتھارٹی نے کرونا وائرس کو پھیلنے سے روکنے کے لیے عاید کردہ پابندیوں میں مزید نرمی کردی ہے اور بیرون ملک مقیم یو اے ای کے مکینوں کو بدھ سے واپسی کے لیے اب حکام سے پیشگی منظوری لینے کی ضرورت نہیں ہوگی۔