سعودی عرب :کووِڈ-19 کے 2565 نئے کیسوں کی تصدیق ، 40 افراد کی وفات

Source: S.O. News Service | Published on 18th July 2020, 9:12 PM | خلیجی خبریں |

ریاض،18؍جولائی(ایس او نیوز؍ایجنسی) سعودی عرب میں وزارتِ صحت نے گذشتہ 24 گھنٹے میں کرونا وائرس کے 2565 نئے کیسوں کی تصدیق کی ہے اور کووِڈ-19 کے مرض میں مبتلا مزید 40 افراد وفات پاگئے ہیں۔

سعودی وزارتِ صحت کے حکام نے ہفتے کے روز بتایا ہے کہ مملکت میں اب کرونا وائرس سے وفات پانے والے افراد کی تعداد 2447 ہوگئی ہے اور کل مریضوں کی تعداد 248416 ہوگئی ہے۔

وزارتِ صحت نے آج مزید 3057 مریضوں کے صحت یاب ہونے کی اطلاع دی ہے اور اب تک تن درست ہونے والے مریضوں کی تعداد 194218 ہوگئی ہے۔

مکہ مکرمہ میں آج سب سے زیادہ 224کیس ریکارڈ کیے گئے ہیں۔اس کے بعد دارالحکومت الریاض میں 212 ، جدہ میں 189 اور الہفوف میں 182 کیس ریکارڈ کیے گئے ہیں۔

وزارت صحت نے جمعہ کے روز بتایا تھا کہ مملکت میں کرونا وائرس کی وَبا پرقابو پانے کے لیے روزانہ 65 ہزار سے زیادہ ٹیسٹ کیے جارہے ہیں۔مارچ میں اس وَبا کے آغاز کے وقت قریباً 1000 ٹیسٹ کیے جارہے تھے۔

گذشتہ ہفتے سعودی عرب نے کرونا وائرس کے خطرے کی سطح کم کردی تھی۔سعودی عرب میں گذشتہ دو ہفتے کے دوران میں کرونا وائرس کے یومیہ کیسوں کی تعداد میں کمی ریکارڈ کی گئی ہے اور اس طرح اس وائرس کے خطرے کی سطح میں کمی واقع ہوئی ہے۔

اس کی نشان دہی عالمی ماہرین پر مشتمل ٹیموں کے وضع کردہ نقشے سے ہوئی ہے۔ ہارورڈ یونیورسٹی کے گلوبل ہیلتھ انسٹی ٹیوٹ اور ایڈمنڈ جے سفرا مرکز برائے اخلاقیات کی ٹیموں نے دنیامیں کرونا وائرس کے پھیلنے کے رجحانات کی نشان دہی کے لیے یہ نقشہ وضع کیا تھا۔

تحقیقی ماہرین کے فراہم کردہ ڈیٹا کے مطابق جولائی کے اوائل میں سعودی عرب میں کرونا وائرس کے پھیلنے کی سطح نارنجی تھی۔یہ دوسری اعلیٰ ترین سطح ہے۔اس کا یہ مطلب ہے کہ ملک میں وائرس تیزی سے پھیل رہا ہے۔

تاہم 13 جولائی کو سعودی عرب میں کرونا وائرس کے پھیلنے کی سطح زرد (ییلو) کردی گئی تھی۔یہ نارنجی سے ایک درجہ کم ہے اور دوسرا کم ترین درجہ ہے۔

ایک نظر اس پر بھی

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...