سعودی عرب: 15 ستمبر سے فضائی آپریشن کی جزوی بحالی کا فیصلہ

Source: S.O. News Service | Published on 14th September 2020, 10:49 PM | خلیجی خبریں |

ریاض،14/ستمبر (آئی این ایس انڈیا)سعودی عرب نے 15 ستمبر سے فضائی آپریشن کی جزوی بحالی کا فیصلہ کیا ہے جس کے دوران صرف سعودی شہری اور رہائشی بیرونِ ملک آ جا سکیں گے۔

سعودی عرب کے سرکاری خبر رساں ادارے سعودی پریس ایجنسی (ایس پی اے) نے اتوار کے اپنی ایک رپورٹ میں کہا ہے کہ حکام نے 15 ستمبر سے فضائی آپریشن کی جزوی بحالی کی اجازت دی ہے جب کہ آئندہ برس یکم جنوری کے بعد مملکت میں ہر قسم کی سفری پابندیاں ختم کر دی جائیں گی۔

رواں برس مارچ میں سعودی حکومت نے کرونا وائرس کے پھیلاؤ کو روکنے کے لیے ہوائی سفر پر مکمل طور پر پابندی عائد کر دی تھی۔

سعودی حکام کی جانب سے 15 ستمبر کے بعد جن افراد کو بیرونِ ملک سفر کی اجازت ہو گی ان میں سول اور ملٹری ملازمین، سفارت کار اور ان کے خاندان، سرکاری یا نجی ملازم، تاجر، بیرونِ ملک علاج کی غرض سے جانے والے مریض، بیرونِ ملک پڑھنے والے طلبہ، فلاحی کارکن اور کھیلوں کی ٹیمیں شامل ہیں۔

خلیج عرب کے شہری، غیر سعودی رہائشیوں اور سفری ویزہ رکھنے والوں کو 15 ستمبر کے بعد کرونا ٹیسٹ منفی آنے کی شرط پر ہی ملک میں داخل ہونے کی اجازت ملے گی۔

مارچ کے بعد سے ملک میں کرونا وائرس کا پھیلاؤ روکنے کے لیے اکثر شہروں اور قصبوں میں حکام نے سخت پابندیاں نافذ کر رکھی ہیں۔

عالمی وبا کی وجہ سے پیدا شدہ اقتصادی بحران کے سبب خلیجی ملکوں بالخصوص سعودی عرب معاشی بحران کی جانب بڑھ رہا ہے۔

معاشی بحران کی وجہ سے تیل کی طلب میں کمی سے سعودی اقتصادی بحران میں اضافہ ہوا ہے۔ رواں برس سعودی عرب نے اپنی مجموعی قومی پیداوار کی 11.4 فی صد بجٹ میں کٹوتیاں بھی کر دی ہیں۔

کرونا وائرس کا پھیلاؤ روکنے کے لیے سعودی عرب نے حج پر شرکت محدود کر دی تھی اور عمرے پر پابندی تاحال برقرار ہے۔

یاد رہے کہ سعودی عرب میں اب تک کرونا وائرس کے تین لاکھ 25 ہزار سے زیادہ کیسز سامنے آ چکے ہیں اور اس وبا سے ہلاکتوں کی تعداد چار ہزار 268 ہے۔

ایک نظر اس پر بھی

نوید ائیکری بھٹکل کمیونٹی جدہ کے نئے جنرل سکریٹری منتخب، عبدالمُعیز جوکاکو بنے نئے سکریٹری

نوید حسن ائیکری بھٹکل کمیونٹی جدہ کے نئے جنرل سکریٹری اور عبدالمعیز جوکاکو نئے سکریٹری  منتخب ہوگئے  ہیں، اس بات کی اطلاع بھٹکل کمیونٹی جدہ کے صدر جناب عبدالسلام دامدا ابو نے دی ہے۔

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...