سعودی عرب:کووِڈ-19 کے نئے تصدیقی اور تشویش ناک کیسوں کی تعداد میں کمی کا رجحان

Source: S.O. News Service | Published on 14th July 2020, 10:32 PM | خلیجی خبریں |

ریاض،14؍جولائی (ایس او نیوز؍ایجنسی) سعودی عرب میں حالیہ ایام میں کرونا وائرس کے تصدیق شدہ اور تشویش ناک کیسوں کی تعداد میں مسلسل کمی کا رجحان جاری ہے اور نئے کیسوں کے مقابلے میں صحت یاب ہونے والے مریضوں کی تعداد میں اضافہ ہورہا ہے۔

سعودی وزارتِ صحت کے ترجمان ڈاکٹر محمد العبد العالی نے منگل کے روز ایک نیوز کانفرنس میں کہا ہے کہ گذشتہ ایک ہفتے کے دوران میں کووِڈ-19 کے تشویش ناک کیسوں کی تعداد میں ڈیڑھ فی صد کمی واقع ہوئی ہے۔

انھوں نے کہا کہ’’ ہم نے گذشتہ سات روز کے دوران میں تصدیق شدہ مریضوں اور تشویش ناک کیسوں کی تعداد میں کنٹرول اور استحکام ملاحظہ کیا ہے۔‘‘

انھوں نے بتایا ہے کہ سعودی عرب میں کرونا وائرس کے نئے کیسوں کی تشخیص کا سلسلہ جاری ہے اور وزارت صحت نے کل کیسوں کی تعداد میں کمی ریکارڈ کی ہے۔

ڈاکٹر محمد العبد العالی نے خبردار کیا ہے کہ ’’سعودی عرب میں معمولی بہتری کے باوجود دنیا میں کرونا وائرس کے کیسوں کی تعداد میں مسلسل اضافہ جاری ہے۔اس لیے لوگوں کو محتاط انداز میں معمول کے حالات کی جانب لوٹنا چاہیے۔‘‘

وزارتِ صحت نے گذشتہ 24 گھنٹے میں کرونا وائرس کے 2692 نئے کیسوں کی تشخیص کی ہے جبکہ ماضی میں اس مہلک وائرس کا شکار ہونے والے مزید 7718 مریضوں کے صحت یاب ہونے کی تصدیق کی ہے جبکہ کووِڈ-19 کے 40 مریض وفات پاگئے ہیں۔اب سعودی عرب میں اس مہلک وائرس سے وفات پانے والوں کی تعداد 2283 ہوگئی ہے۔

سعودی عرب میں اس وقت کرونا وائرس کے کل کیسوں کی تعداد 237803 ہے۔ان میں 177560 صحت یاب ہوچکے ہیں۔اس طرح مملکت میں کرونا وائرس کے صحت یاب ہونے والے مریضوں کی شرح 75 فی صد ہے۔

ایک نظر اس پر بھی

ابوظبی میں منعقدہ تلاوت قران کے قرات مقابلے میں بھٹکلی بچوں کا شاندار پرفارمینس

انڈین اسلامک سینٹر ابوظبی کے زیراہتمام منعقدہ تلاوت قران کے قرات  مقابلے میں مرکز النوائط ابوظبی کی نمائندگی کرتے ہوئے بھٹکل کے دو بچوں نے شاندار پرفارمینس پیش کرتے ہوئے بھٹکل سمیت   پورے ملک  کا نام روشن کردیا۔ مقابلے میں فردوس بنت آفتاب ایم جے نے دوسرا مقام حاصل کیا جبکہ ...

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...