جعلسازی سے بچنے کیلئے سعودی عرب نے حج ویزاکا آن لائن پورٹل متعارف کرادیا

Source: S.O. News Service | Published on 15th June 2022, 12:01 PM | خلیجی خبریں | عالمی خبریں |

مکہ مکرم ، 15؍جون (ایس او نیوز؍ایجنسی)حج کے سلسلے میں جعل سازی کی خبروں کے درمیان حکومت سعودی عرب نے جعلی ٹریول ایجنسیز کے خلاف کریک ڈاؤن کرنے کے لیے متعدد مغربی ممالک سے خواہشمند عازمین حج کے لیے سرکاری آن لائن پورٹل کے ذریعے ویزا کی درخواست دینا لازمی قرار دیا ہے -

ڈان میں شائع غیر ملکی خبر رساں ایجنسی ’اے ایف پی‘ کی رپورٹ کے مطابق سعودی حکومت کی جانب سے یہ نیا نظام اس وقت نافذ کیا گیا جب سعودی حکومت دو سال کے بعد سالانہ حج کے لیے بیرون ملک سے 8 لاکھ 50 ہزار مسلمانوں کو خوش آمدید کہنے کی تیاری کر رہی ہے -کیونکہ ان دو برس کے دوران عالمی وبا کورونا کی پابندیوں کی وجہ سے سعودی عرب میں غیر موجود عازمین کو بھی جج کی ادائیگی سے روک دیا گیا تھا-سعودی حکام نے کہا ہے کہ نئے نظام کا اطلاق امریکہ، کینیڈا، برطانیہ، یورپ اور آسٹریلیا پر ہوگا-

ایک اور سرکاری عہدیدار نے بتایا کہ پہلے عازمین حج ٹریول ایجنسیوں کے ذریعے رجسٹریشن کروا سکتے تھے جو حج کے سفر کا اہتمام کرتی تھیں مگر یہ ایک ایسا نظام تھا جو بعض اوقات جعلسازی کا باعث بنتا تھا جس میں جعلی ٹریول ایجنسیاں متاثرین کے پیسے لوٹتی تھیں -سعودی حکومت نے اپریل میں اعلان کیا تھا کہ وہ ملک کے اندر اور بیرونِ ملک سے 10 لاکھ مسلمانوں کو رواں سال حج میں شرکت کرنے کے لیے اجازت دیں گے -وزارت حج نے ٹوئٹر پر جاری کردہ بیان میں کہا کہ سعودی عرب کی سرکاری میڈیا نے ایک ہفتہ قبل آن لائن پورٹل کا اعلان کیا تھا جس میں رجسٹریشن کی مدت پیر کو ختم ہوچکی ہے اور جن عازمین حج نے رجسٹریشن کرائی ہے ان کو حج ویزا کی قرعہ اندازی میں شامل کیا جائے گا-

ایک سرکاری عہدیدار نے اعتراف کیا کہ متاثرہ ممالک سے تعلق رکھنے والے کچھ مسلمانوں نے آن لائن پورٹل کے اعلان سے قبل ہی ٹریول ایجنسیوں کے ذریعے خود کو رجسٹر کرنے کی کوشش کی ہوگی-انہوں نے کہا کہ ان کو بھی حج ویزا کی قرعہ اندازی میں شامل کیا جائے گا جس کی تاریخ کا اعلان تاحال نہیں کیا گیا لیکن شرط یہ ہے کہ انہوں نے وزارت حج کی تسلیم شدہ ایجنسی کے ذریعے رجسٹریشن کرائی ہو-

وزارت حج نے کہا ہے کہ رواں سال کا حج صرف 65 سال سے کم عمر اور کورونا وائرس کے حفاظتی ٹیکے لگائے والے مسلمانوں تک محدود ہوگا اورملک کے باہر سے آنے والوں کو سفر کے 72 گھنٹوں کے اندر اندر لیے گئے پی سی آر ٹیسٹ کا منفی نتیجہ جمع کرانا ہوگا-کورونا وائرس کے خلاف جنگ میں کامیابی کا حوالہ دیتے ہوئے سعودی عرب کی حکومت نے کہا کہ اب بند جگہوں پر زیادہ تر ماسک کی ضرورت نہیں ہوگی-

سرکاری سعودی پریس ایجنسی کی طرف سے شائع ہونے والی ایک رپورٹ کے مطابق وزارت داخلہ کا حوالہ دیتے ہوئے کہا گیا کہ مسجد الحرام اور مدینہ میں مسجد نبویؐ میں ماسک پہننا لازمی ہوگا-رپورٹ میں کہا گیا ہے کہ اداروں کے مالکان اگر چاہیں تو ماسک پہننے پر بھی اصرار کر سکتے ہیں، حالانکہ حالیہ مہینوں میں ماسک پہننے پر زیادہ زور نہیں دیا گیا-

ایک نظر اس پر بھی

بھارتیہ مزدور سنگھ نے کھولا قطر کے خلاف محاذ، ہندوستانی مہاجر مزدوروں کی حالت پراظہار تشویش

قطر میں ہندوستانی تارکین وطن مزدوروں کی حالت پر تشویش کا اظہار کرتے ہوئے راشٹریہ سویم سیوک سنگھ سے وابستہ بھارتیہ مزدور سنگھ (بی ایم ایس) نے کہا ہے کہ اس معاملے کو قومی اور بین الاقوامی سطح پر اٹھایا جائے گا۔

برطانیہ میں زبردست احتجاج اور آن لائن پٹیشن کے بعد حضرت فاطمہؓ پر بننے والی فلم کی نمائش منسوخ

برطانیہ کے مختلف شہروں میں برطانوی مسلمانوں کے احتجاج کے بعد سب سے بڑی سنیما زنجیروں میں سے ایک پلیٹ فارم نے پیغمبر اسلام کی بیٹی سے متعلق فلم کا دعویٰ کرنے والی ایک متنازعہ نئی فلم کی تمام نمائشیں منسوخ کرنے کا اعلان کیا ہے۔

مکہ مکرمہ: حجاج کے لیے 3 ہزار رہائش گاہیں، ہوٹلوں کے 2.5 لاکھ کمرے مختص

مکہ المکرمہ میں عازمین کی رہائش کے لیے مختص کردہ ہاؤسنگ یونٹس کے مالکان کا کہنا ہے کہ رواں سال حج کے سیزن میں رہائشی کمرے کرایہ پر لینے کے لیے زیادہ سے زیادہ عازمین حج رابطہ کر رہے ہیں۔ دوسری طرف ہاؤسنگ ورکس نے عازمین کے استقبال کے لیے تیاریاں شروع کر دی ہیں۔

فلپائن کے اقتدار میں مارکوس کنبہ کی واپسی، فرڈینینڈ مارکوس جونیئر بنے نئے صدر

فلپائن کے اقتدار میں مارکوس کنبہ کی واپسی ہوئی ہے اور اسی کے ساتھ دُتیرتے دور کا خاتمہ ہو گیا ہے۔ فلپائن کے آنجہانی لیڈر فرڈینینڈ مارکوس کے بیٹے فرڈینینڈ مارکوس جونیئر نے آج ملک کے 19ویں صدر کی شکل میں حلف لے لیا، وہ سابق صدر روڈریگو دُتیرتے کی جگہ لیں گے۔ مارکوس جونیئر نے ...

قطر نے امریکا اور ایران کے درمیان بالواسطہ مذاکرات کا خیر مقدم کیا

قطر نے ایران اور امریکہ کے درمیان بالواسطہ بات چیت کے فیصلے کا خیر مقدم کیا ہے۔ قطر کی وزارت خارجہ نے منگل کو یہ اطلاع دی۔وزارت خارجہ نے کہا کہ ان کا ملک مذاکرات کی کامیاب تکمیل کے لیے تمام ضروری سہولیات فراہم کرنے کے لیے تیار ہے۔

برطانوی سوشلائٹ گھسلین میکسویل کو جنسی جرائم کے الزام میں 20 سال قید کی سزا

برطانوی سوشلائٹ گھسلین میکسویل کو سابق امریکی صدر بل کلنٹن کے مشہور فنانسر جیفری ایپسٹین کے ساتھ سیکس ریکیٹ چلانے، بھرتی کرنے، تیار کرنے اور سیکس اسمگلنگ کرنے کا مجرم قرار دیا گیا ہے۔ ان کو 20 سال قید کی سزا سنائی گئی ہے۔ بی بی سی نے بدھ کو اپنی رپورٹ میں یہ معلومات دی۔ ایپسٹین ...