یمنی قوتوں میں اتحاد کا سہرا سعودی عرب کے سر ہے: یمنی وزیراعظم

Source: S.O. News Service | By S O News | Published on 22nd December 2020, 6:39 PM | خلیجی خبریں |

دبئی،22دسمبر(آئی این ایس انڈیا)یمن کے وزیراعظم معین عبدالملک نے یمنی قوتوں میں اتحاد کے قیام اور نئی حکومت کی تشکیل میں معاونت پر سعودی عرب کی خدمات کو شاندار خراج تحسین پیش کیا ہے۔ ان کا کہنا ہے کہ یمنی دھڑوں میں اختلافات ختم کرانے کا سہرا سعودی عرب کے سر جاتا ہے۔

العربیہ ڈاٹ‌ نیٹ سے بات کرتے ہوئے انہوں‌ نے کہا کہ سنہ 2011ء کےبعد سے اب تک سعودی عرب کا یمن کے لیے کردار تعمیری چلا آ رہا ہے۔ سعودی عرب یمنی قوتوں میں اتحاد کے لیے کوشاں ہے اور یمن کی وحدت کے لیے ہماری مدد کر رہا ہے۔ یہ سب سعودی عرب کی مساعی کا نتیجہ ہے کہ یمنی قوتیں آج متحد ہیں۔ ایک سوال کے جواب میں معین عبدالملک نےکہا کہ نئی کابینہ کی تشکیل میں سعودی عرب کی طرف سے وزرا کے ناموں کی شمولیت کےلیے کوئی دباو نہیں۔

ایک سوال کے جواب میں یمنی وزیراعظم نے کہا کہ یمنی قوتوں کی صفوں میں پائے جانے والے اختلافات کے نتیجے میں ریاستی ادارے تعطل کا شکار ہو گئے تھے۔ نئی حکومت ایک متحدہ قومی حکومت ہے۔ ان کا کہنا تھا کہ نئی حکومت ملک میں ایک نئے دور کا آغاز کرے گی۔

ایک سوال کے جواب میں معین عبدالملک نے کہا کہ ہم نے ملک میں وحدت اور یکجہتی کے لیے طویل سفر طے کیا ہے۔ اختلافات کے خاتمے کے بعد حکومت کو اپنی ذمہ داریوں کی انجام دہی کا موقع ملا ہے۔ حکومت ماضی میں درپیش مشکلات کو دور کرتے ہوئے بہتر انداز میں اپنا کام جاری رکھ سکے گی۔

ایک سوال کے جواب میں وزیراعظم نے کہا کہ کرپشن، افراط زر اور معاشی ابتری سب اختلافات کا نتیجہ تھے۔ الریاض معاہدے نے بدعنوانی کے خلاف جنگ پر اور احتساب اور مانیٹرنگ کو مزید سخت کرنے پر زور دیا ہے۔

ایک نظر اس پر بھی

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...