سعودی عرب نے منگل سے خلیجی باشندوں کی مملکت میں آمد و رفت کی اجازت دے دی

Source: S.O. News Service | Published on 14th September 2020, 10:57 PM | خلیجی خبریں |

 ریاض،14/ستمبر (آئی این ایس انڈیا)سعودی عرب کی وزارت داخلہ کے ایک ذمہ دار ذرائع کا کہنا ہے کہ مملکت میں بیرون ملک سے شہریوں کی آمد ورفت کے حوالے سے خصوصی ہدایات جاری کی گئی ہیں۔ حکومت نے یکم جنوری 2021ء سے مملکت کے تمام بری، بحری اور زمینی راستے کھولنے کا فیصلہ کیا ہے۔ یہ تاخیر کرونا وبا کے خطرات کے پیش نظر کی گئی ہے تاہم مخصوص حالات میں صحت کے 'ایس او پیز کے' تحت ہنگامی نوعیت کی آمد و رفت کی اجازت ہو گی۔

خیال رہے کہ سعودی عرب نے 'کوویڈ 19' کے بڑھتے خطرات اور اس کی دوسری لہر کے خطرے کے ساتھ ساتھ ویکسین کی عدم دستیابی کے باعث احتیاطی تدابیر کے طور پر بیرون ملک سے شہریوں کی آمد ورفت محدود کر رکھی ہے۔

حکومتی عہدیداروں کا کہنا ہے کہ سعودی عرب میں بیرون ملک سے شہریوں کی آمد اور واپسی مرحلہ وار شروع کی جائے گی۔ کل منگل سے خلیجی ممالک کے باشندوں یا خلیجی ملکوں میں قیام کرنے والے دوسرے ممالک کے ویزہ ہولڈرز کو مملکت میں داخلے کی اجازت ہو گی۔ تاہم مملکت میں خلیجی ملکوں سے آنے والے مسافروں کو 48 گھنٹے کے اندر اندر جاری کردہ میڈیکل رپورٹ پیش کرنا ہو گی تاکہ کرونا کے حوالے سے خطرات پر قابو پایا جا سکے۔

وزارت داخلہ کا کہنا ہے کہ یکم جنوری 2021ء سے ملک میں دنیا بھر سے لوگوں کی آمد و رفت کے دروازے کھولے جانے سے 30 روز پیشتر وزارت صحت کی طرف سے جاری کردہ ہدایات کی روشنی میں آمد و رفت کے مقامات کا تعین کیا جائے گا۔ آمد رفت کے لیے استعمال ہونے اور کھلنے والے ہوائی اڈوں، بندرگاہوں اور بری گذرگاہوں کی فہرست جاری کی جائے گی۔

سعودی عرب میں بیرون ملک آمد و رفت پر سفری پابندی اٹھنے سے قبل بھی ہنگامی حالات کے تحت دنیا بھر کے لیے سفر کی اجازت دی گئی ہے۔

اس سلسلے میں درج ذیل نوعیت کے مسافر ایس اوپیز کے تحت سفرکر سکتے ہیں۔

حکومتی ملازمین، سول اور فوجی اہلکار جنہیں حکومت کی طرف سے بیرون ملک کوئی ذمہ داری سونپی جائے گی۔

سعودی عرب کے دنیا بھر میں قائم سفارت خانوں اور قونصل خانوں کے اہلکار، علاقائی اور عالمی سطح پر تنظیموں میں کام کرنے والے ملازمین اور ان کے خاندان۔

بیرون ملک غیر منافع بخش اداروں، پبلک یا پرائیویٹ تنصیبات پر کام کرنے والے افراد، کمپنیوں اور تجارتی اداروں سے وابستہ افراد
کاروباری شخصیات، مارکینٹنگ میں کام کرنے والے ملازمین اور کاروباری اداروں کے ایجنٹوں کو سفر کی اجازت ہو گی۔

ایسے مریض جن کا سعودی عرب میں علاج ممکن نہیں اور انہیں ناگزیر طور پر بیرون ملک لے جانے کی ضرورت ہے۔ ان میں سرطان کے مریض یا اعضا کی پیوندکاری کے لیے مریضوں کی بیرون ملک سفر کی اجازت ہو گی۔

بیرون ملک زیرتعلیم سعودی طلبا یا مملکت میں دوسرے ملکوں کے زیرتعلیم طلبا وطالبات، میڈیکل عملہ یا اندرون اور بیرون ملک تدریسی فرائض انجام دینے والے اساتذہ کو بھی ایس او پیز کے تحت سفر کی اجازت ہو گی۔

بیرون ملک میاں یا بیوی، یا ان کے بچوں میں سے کسی کی وفات کی صورت میں بھی مملکت سے باہر جانے یا داخل ہونے کی اجازت ہوگی۔

سرکاری ،علاقائی اور عالمی سطح پر کھیلوں کی تنظیموں سے وابستہ افراد، کھلاڑیوں، فن کاروں اور انتطامی عہدیداروں کو بھی سعودی عرب میں آنے یا بیرون ملک سفر کی اجازت دی جائے گی۔

ایک نظر اس پر بھی

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...