سعودی عرب میں کرونا وائرس کے 2509 نئے کیسوں کی تصدیق

Source: S.O. News Service | Published on 19th May 2020, 9:31 PM | خلیجی خبریں |

ریاض،19؍مئی(ایس او نیوز؍ایجنسی) سعودی عرب نے گذشتہ 24 گھنٹے میں کرونا وائرس کے 16140 ٹیسٹ کیے ہیں۔ان میں 2509 نئے کیسوں کی تشخیص ہوئی ہے۔مملکت میں اب تک کووِڈ-19 کے کل تصدیق شدہ کیسوں کی تعداد 59854 ہوگئی ہے۔

سعودی وزارت صحت کے ترجمان ڈاکٹر محمد العبدالعالی نے منگل کے روز نیوز کانفرنس میں بتایا ہے کہ کرونا وائرس کا شکارمزید نو افراد جان کی بازی ہار گئے ہیں۔ مملکت میں اب تک کووِڈ-19 کا شکار 329 افراد وفات پا چکے ہیں۔ان کا سعودی عرب کے علاوہ مختلف ممالک سے تعلق تھا۔

ترجمان نے بتایا ہے کہ کووِڈ-19 کے مریضوں کی تیزی سے بحالی کا سلسلہ جاری ہے اور مزید 2886 افراد صحت یاب ہوگئے ہیں۔اب تک 31634 افراد صحت یاب ہوچکے ہیں۔وہ کل متاثرہ کیسوں کا پچاس فی صد سے زیادہ ہیں۔

انھوں نے مزید بتایا ہے کہ نئے تشخیص شدہ کیسوں میں 26 فی صد خواتین اور 74 فی صد مرد حضرات ہیں۔انھوں نے ان کی قومیتوں کی تفصیل بھی جاری کی ہے۔اس کے مطابق 35 فی صد نئے مریض سعودی شہری ہیں اور 65 فی صد دوسری قومیتوں سے تعلق رکھتے ہیں۔

ان کا کہنا تھا کہ تین عوامل کی بنا پر سعودی عرب میں کرونا وائرس کے کیسوں کی تعداد میں اضافہ ہواہے۔ اول،وبائی شکل اختیار کرنے والے وائرس کے کیسوں کی تعداد میں فطری طور پر روزبروز اضافہ ہوتا ہے اور پھر کمی واقع ہونا شروع ہوجاتی ہے۔

دوم، وزارت صحت نے مملکت بھر میں کرونا وائرس کے ٹیسٹوں کی یومیہ صلاحیت کار میں اضافہ کیا ہے اور گذشتہ ماہ کے مقابلے میں تین گنا زیادہ ٹیسٹ کیے گئے ہیں جس کی وجہ سے زیادہ کیسوں کی تشخیص ہوئی ہے۔کرونا وائرس کے کیسوں کی تعداد میں اضافے کی تیسری وجہ لوگوں کا آپس میں آزادانہ میل جول ہے۔وہ حکومت کی کرونا کو پھیلنے سے روکنے کے لیے رہ نما ہدایات اور سماجی دوری کی پابندی کو نظر انداز کرتے ہوئے میل ملاقاتیں جاری رکھے ہوئے ہیں۔

سعودی عرب نے علاج معالجے کی بہتر سہولتوں اور نظم ونسق کی بدولت کرونا وائرس کے کیسوں کے مقابلے میں کم شرح اموات کو برقرار رکھا ہوا ہے اور مملکت میں اب تک اس وبا کا شکار ہونے والے صرف 0۰6 افراد کی اموات ہوئی ہیں جبکہ عالمی سطح پر کرونا سے اموات کی شرح قریباً سات فی صد ہے۔

سعودی عرب نے کرونا وائرس کو پھیلنے سے روکنے کے لیے اسی ہفتے مزید اقدامات کا اعلان کیا ہے اور عیدالفطر کی تعطیلات کے موقع پر 23 سے 27 مئی تک 24 گھنٹے کا کرفیو اور لاک ڈاؤن نافذ کرنے کا فیصلہ کیا ہے جبکہ رمضان کے اختتام تک شہروں میں نافذ کرفیو میں نرمی جاری رہے گی۔

ایک نظر اس پر بھی

تہوار کے موسم میں گلف - منگلورو ہوائی کرایہ آسمان چھو گیا - دبئی سے منگلورو ایک طرفہ کرایہ ہوگیا 70 ہزار روپے !

موسم گرما کی چھٹیاں ، ایسٹر، یوگادی اور عید کے تہواروں کا موسم قریب آتے ہی دبئ سے منگلورو تک کا ہوائی کرایہ آسمان کو چھونے لگا ہے جس کی وجہ سے  جو ایک طرفہ کرایہ زیادہ سے زیادہ 30 ہزارو روپے تک چل رہا تھا اب بڑھ کر 70 ہزار روپوں کے نشان تک پہنچ گیا ہے ۔    

سعودی عربیہ میں المناک سڑک حادثہ؛ منگلورکے ایک ہی خاندان کے چار لوگوں کی موت

ریاض کے مضافاتی علاقہ زُلفیٰ میں پیش آئے ایک المناک کار حادثے میں مینگلورو کے ایک ہی خاندان کے 4 افراد جاں بحق ہوگئے، جن میں 3 ماہ کا بچہ بھی شامل ہے۔ حادثہ بدھ کی شب کو اُس وقت پیش آیا جب یہ لوگ عمرہ  کے لیے قطر سے مدینہ منورہ (سعودی عرب) جا رہے تھے۔ 

بھٹکل مسلم جماعت دبئی کے لیے نئے عہدیداران کا انتخاب: شہریار خطیب صدر اور جیلانی محتشم بنے جنرل سکریٹری

جماعت کے سرگرم رکن جناب شہریار خطیب گلف کی بھٹکلی جماعتوں میں سب سے زیادہ مضبوط اور سرگرم سمجھی جانے والی بھٹکل مسلم جماعت کے صدرمنتخب ہوگئے ، جبکہ جناب جیلانی محتشم جنرل سکریٹری کے عہدہ پر فائز ہوگئے ہیں۔ نائب صدر کے عہدہ پر عمران خطیب، سکریٹری اول کے طور پرعبدالوسیع خلیفہ، ...

سعودی عربیہ میں چاند نظر آگیا؛ سعودی سمیت عرب امارات، بحرین اور دیگر گلف ممالک میں رمضان کا اعلان؛ عمان میں ایک دن بعد یعنی منگل کو ہوگا پہلا روزہ

سعودی عربیہ میں آج اتوار شام کو چاند نظر آنے کے بعد سعودی عربیہ سمیت  متحدہ عرب امارات، قطر، بحرین اور کویت  میں    رمضان کا اعلان کیا گیا ہے۔البتہ مسقط میں رویت ہلال ثابت نہیں ہوا، اس لئے وہاں رمضان کا اعلان نہیں ہوا ہے۔

دبئی سمیت عمان میں بھی گرج چمک کے ساتھ طوفانی بارش

  دبئی سمیت متحدہ عرب امارات کی مختلف شہروں  میں موسلا دھار بارش  ہونے سے کئی علاقوں میں سڑکوں پر پانی جمع ہوگیا ہے۔ عرب میڈیا کے مطابق  ہفتہ کی صبح  دبئی ،ابو ظبی، فجیرا اور دیگر علاقوں میں گرج چمک کے ساتھ موسلا دھار بارش ہوئی جبکہ دبئی کے مختلف علاقوں میں طوفانی بارش کے ...

سعودی عرب کے ریاض میں دنیا کا بلند ترین ٹاور تعمیر ہوگا

الریاض میں دنیا کا بلند ترین ٹاور تعمیر ہوگا جس کی اونچائی دو کلو میٹر ہو گی۔سبق ویب سائٹ کے مطابق ’architects journal‘ نے کہا ہے کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔توقع کی جارہی ہے کہ ریاض میں تعمیر ہونے والا ٹاور برج خلیفہ سے بلند ہوگا ...