کورونا وائرس : حرم شریف اور مسجد نبویؐ میں داخلہ پرپابندی

Source: S.O. News Service | Published on 5th March 2020, 7:06 PM | خلیجی خبریں | عالمی خبریں |

ریاض؍تہران ،5؍مارچ (ایس او نیوز؍ایجنسی) سعودی عرب نے کورونا وائرس کے پھیلنے کو روکنے کیلئے احتیاطی اقدامات کے طور پر حرم شریف اور مسجد نبویؐ میں داخلہ پر پابندی عائد کردی ہے۔ اپنے تمام شہریوں کے علاوہ غیرمقیم افراد اور خلیجی تعاون کونسل کے 6 ممالک سے تعلق رکھنے والے شہریوں اور عازمین عمرہ کیلئے ویزے منسوخ کردیئے گئے ہیں اور وزارت خارجہ نے اپنے شہریوں کو عارضی طور پر حرم شریف اور مسجد نبویؐ آنے سے روک دیا ہے۔

وزارت داخلہ کے ایک عہدیدار نے کہا کہ اس بات کا فیصلہ نئے کورونا وائرس 19-COVID کے پھیلاؤ کے باعث کمیٹی کی سفارش کی بنیاد پر ہی سعودی عرب کے شہریوں اور غیرمقیم افراد کے عمرے عارضی طور پر معطل کردیئے گئے ہیں۔ حرمین شریفین میں داخلہ پر پابندی ہٹالینے کا فیصلہ صورتحال پر منحصر ہوگا۔ کورونا وائرس کا خطرہ برقرار رہا تو رمضان المبارک میں اقطاع عالم سے آنے والے عمرہ عازمین کیلئے ویزے جاری نہیںکئے جائیں گے اور سالانہ حج کے موقع پر بھی ویزوں کی اجرائی غیریقینی ہوگی۔ ایران کے تمام صوبوں تک کورونا وائرس پھیل گیا ہے۔ اس کی وجہ سے حکام نے ایران کے تمام بڑے شہروں کی مسجد میں نماز جمعہ کی ادائیگی کو منسوخ کردیا ہے۔

ایران کے دیگر علاقوں میں کوروناوائرس کے پھوٹ پڑنے کی اطلاعات کے بعد نماز جمعہ کی ادائیگی کو منسوخ کیا گیا ہے۔ ایران میں اس وائرس سے اب تک 92 افراد ہلاک ہوئے ہیں اور 2922 افراد متاثر بتائے گئے ہیں۔ صدر ایران حسن روحانی نے کہا کہ وائرس کے پھیل جانے کے باعث متاثرہ شہریوں کی تعداد بڑھ رہی ہے۔

انہوں نے اپنی ویب سائیٹ پر لکھا ہیکہ یہ بیماری پھیل چکی ہے۔ اس طرح سے یہ عالمی بیماری بن چکی ہے۔ ایران کے سپریم لیڈر آیت اللہ علی خامنہ ای نے کہا کہ وائرس کا پھوٹ پڑنا کوئی بڑا مسئلہ نہیں ہے۔ انہوں نے عوام پر زور دیا کہ وہ وائرس سے بچاؤ کیلئے دعا کریں۔ چین میں اس وائرس کا زور ٹوٹ چکا ہے لیکن سعودی عرب میں یہ وائرس پھیلنے کی تصدیق کی گئی ہے۔ اس مہلک وائرس کا شکار ہونے والے ایک سعودی شہری نے حال ہی میں ایران کا سفر کیا تھا اور بحرین کے راستہ ملک میں واپس آیا تھا۔

سعودی عرب نے گذشتہ جمعرات کو بیرون ملک سے عمرہ پر آنے والے معتمرین کے مکہ مکرمہ میں داخلہ پر عارضی پابندی عائد کردی تھی۔ اس لئے اب وزارت داخلہ نے کورونا وائرس کے پھیلاؤ کو روکنے کیلئے مکہ مکرمہ میں عمرے اور مدینہ منورہ میں مسجد نبوی صلی اللہ علیہ وسلم کی زیارت کیلئے داخلہ پر عارضی طور پر پابندی عائد کردی ہے۔

اٹلی میں مصافحہ پر پابندی: یوروپ میں کورونا وائرس سے سب سے زیادہ متاثرہ ملک اٹلی ہے جہاں پر ہلاکتوں کی تعداد 79 ہوگئی ہے۔ کورونا وائرس سے سب سے زیادہ ممالک میں اٹلی کا تیسرا نمبر ہے۔ 2500 سے زیادہ لوگ وائرس سے متاثر ہیں۔ اٹلی کے حکام نے وائرس کی روک تھام کیلئے مختلف اقدامات کی منظوری دی ہے۔ عوام سے کہا گیا کہ وہ آپس میں ملاقات کے وقت مصافحہ نہ کریں۔ حکومت نے عوام کو ہاتھ ملانے اور بوسہ لینے پر پابندی عائد کی ہے۔ فٹبال میچوں کے دوران بھی صارفین کے آنے پر پابندی لگائی گئی ہے۔ عوام آپس میں ملتے وقت ایک میٹر کی دوری سے ملاقات کریں۔

ایک نظر اس پر بھی

یو اے ای:اقامتی ویزوں میں دسمبر2020ء تک توسیع کا فیصلہ منسوخ ،ترمیمی قواعد کا اجراء

متحدہ عرب امارات کی کابینہ نے کرونا وائرس کے پیش نظر اقامے ، ویزے ، داخلے کے اجازت نامے سے متعلق ماضی میں کیے گئے بعض فیصلوں پر نظرثانی کی ہے اور کہا ہے کہ ان سے متعلق یہ احکام آج ہفتہ 11 جولائی سے موثر العمل نہیں رہیں گے۔