سعودی عرب نے پاکستان سمیت 20ممالک کے مسافروں کے داخلے پر پابندی

Source: S.O. News Service | Published on 3rd February 2021, 6:16 PM | عالمی خبریں | خلیجی خبریں |

نیو یارک،3 فروری(آئی این ایس انڈیا) سعودی عرب نے پاکستان اور بھارت سمیت بیس ملکوں سے مسافروں کے ملک میں داخلے پر پابندی عائد کردی ہے۔

 کورونا وائرس پر قابو پانے کی کوشش کے تحت بدھ تین فروری سے نافذ العمل اس عارضی پابندی سے تاہم سعودی شہریوں، سفارت کاروں، ڈاکٹروں اور ان کے اہل خانہ کو مستشنی رکھا گیا ہے۔

سعودی عرب کی سرکاری خبر رساں ایجنسی ایس پی اے کے مطابق وزارت داخلہ نے بیس ممالک کے شہریوں کی بدھ کے روز رات نو بجے کے بعد سے ملک میں داخلے پر پابندی عائد کردی ہے۔ اس پابندی کا اطلاق پڑوسی ملک مصر، متحدہ عرب امارات، لبنان اور ترکی کے شہریوں پر بھی ہوگا۔

یہ پابندی کورونا وائرس کی نئی لہر کے مد نظر عائد کی گئی ہے۔ سعودی وزارت داخلہ کے ایک عہدیدار کے مطابق اس عارضی پابندی کا اطلاق ان بیس ممالک کے علاوہ دیگر ممالک سے آنے والے ایسے افراد پر بھی ہوگا جو سعودی عرب میں داخلے کی خواہش سے پہلے کے چودہ روز کے دوران مذکورہ ممالک سے گزرے ہوں۔

سعودی وزارت داخلہ کے مطابق جن ملکوں کے شہریوں کے مملکت میں داخلے پر پابندی عائد کی گئی ہے ان میں یورپی ملکوں میں برطانیہ، جرمنی، آئر لینڈ، اٹلی، پرتگال، سویڈن اور سوئٹزر لینڈ شامل ہیں۔

ان کے علاوہ امریکا، ارجینٹینا، برازیل، پاکستان، بھارت، انڈونیشیا، جاپان اور جنوبی افریقہ کے شہریوں کے بھی سعودی عرب میں داخلے پرعارضی پابندی عائد کردی گئی ہے۔

سعودی وزارت داخلہ کے بیان کے مطابق سعودی شہریوں کے علاوہ سفارت کاروں اور طبی ماہرین نیز ان کے اہل خانہ کو داخل ہونے کی اجازت ہوگی البتہ انہیں سعودی وزارت صحت کی طرف سے طے کردہ حفاظتی اقدامات پر عمل کرنا ہوگا۔

نئی بندشوں کی وارننگ

یہ فیصلہ سعودی وزیر صحت توفیق الربیعہ کی طرف سے اتوار کے روز اس اعلان کے بعد آیا ہے کہ اگر سعودی شہریوں اور یہا ں مقیم افراد نے صحت کے حوالے سے ضابطوں پر عمل نہیں کیا تو نئے کورونا وائرس کے مد نظر بندشیں عائد کی جاسکتی ہیں۔

سعودی عرب میں اب تک کورونا وائرس کے تین لاکھ 68 ہزار کیسز اورچھ  ہزار 400 اموات ہوچکی ہیں جو خلیجی ممالک میں سب سے بڑی تعداد ہے۔

جنوری کے آغاز میں یومیہ رپورٹ ہونے والے کیسز کی تعداد 100 سے کم ہوگئی ہے جو کہ جون میں سب سے زیادہ پانچ ہزار کیسز یومیہ تک پہنچ گئی تھی تاہم اب نئے یومیہ کیسز بڑھ گئے ہیں اور منگل کے روز 310 کیسز سامنے آئے۔

پی آئی اے کی پروازیں بند

دریں اثنا پاکستان انٹرنیشنل ایئرلائنز کے ایک ترجمان کے مطابق پابندی کے باعث کوئی مسافر پاکستان سے سعودی عرب سفر نہیں کرسکے گا۔ البتہ سعودی عرب سے پاکستان آنے والے مسافروں کو واپس لانے کے لیے پروازیں جاری رکھی جائیں گی۔

ترجمان کا مزید کہنا تھا کہ جو مسافر پاکستان سے سعودی عرب کی پروازوں پر بُک تھے ان کی بکنگ پابندی کے خاتمے تک ملتوی کی جا رہی ہے جو پابندی ختم ہوتے ہی بحال کر دی جائے گی۔

ایک نظر اس پر بھی

اقوام متحدہ جنرل اسمبلی سے وزیراعظم مودی کا خطاب، دہشت گردی پوری انسانیت کیلئے خطرہ

وزیر اعظم مودی نے اقوام متحدہ جنرل اسمبلی سے خطاب کرتے ہوئے پاکستان اور چین کا نام لئے بغیر جم کر نشانہ سادھا۔ وزیر اعظم نے پاکستان کا نام لئے بغیر کہا کہ جو ملک دہشت گردی کو سیاسی آلے کے طور پر استعمال کررہے ہیں، انہیں یہ سمجھنا ہوگا کہ دہشت گردی ان کیلئے بھی اتنا ہی بڑا خطرہ ...

صنعتی ممالک پر ماحولیاتی تحفظ کی زیادہ ذمہ داری عائد ہوتی ہے: گوٹیرش

اقوام متحدہ کے سیکرٹری جنرل انتونیو گوٹیرش نے ایک مرتبہ پھر عالمی برادری پر زور دیا ہے کہ وہ ماحول کو بچانے کے لیے اپنا کردار ادا کریں۔ نیو یارک میں سربراہان حکومت اور مملکت کے ساتھ ملاقات کے دوران گوٹیرش نے کہا کہ کرہ ارض کے خلاف جنگ‘ ختم ہونی چاہیے اور ماحولیاتی تبدیلیوں کے ...

امریکہ نومبر سے غیر ملکی مسافروں کے لیے پابندیاں نرم کر رہا ہے

امریکہ نے پیر کے روز کہا ہے کہ نومبر کے اوائل سے ملک میں آنے والے غیر ملکی مسافروں کے لیے وہ اپنی کرونا وائرس کی پابندیوں میں نرمی کر دے گا۔18 ماہ قبل کرونا وائرس کی وبا کے آغاز کے بعد امریکہ نے بیرونی ملکوں سے آنے والے مسافروں پر بڑی حد تک پابندی لگا دی تھی۔

مسجد الحرام اور مسجد نبوی میں سماجی فاصلے کی پابندی ختم

سعودی عرب نے ڈیڑھ سال سے زائد عرصے بعدمسجد الحرام اور مسجد نبوی کو 17 اکتوبر یعنی اتوار  سے معمول کے مطابق بغیر کسی پابندی کے کھولنے کا اعلان کردیا۔ کورونا وائرس کی ویکسین کی دونوں خوراک لگوانے والے افراد کو 17 اکتوبر سے مسجدالحرام اور مسجدنبوی میں داخلے کی اجازت ہوگی اور مکمل ...

بھٹکل کمیونٹی جدہ کے نئے عہدیداران کا انتخاب؛ عبدالسلام دامدا ابوپھر ایک بار صدر منتخب، عبدالمعیز جوکاکوبنے جنرل سکریٹری

بھٹکل کمیونٹی جدہ  کی  مجلس انتظامیہ نے آئندہ میعاد کے لئے عبدالسلام دامدا ابو کو پھر ایک بار صدر منتخب کیا ہے جبکہ  عبدالمعیز جوکاکو کو جنرل سکریٹری کے طورپر منتخب کیاہے۔

بھٹکل مسلم اسوسی ایشن ریاض کے لئے عہدیداران کا انتخاب؛ عمار قاضیا صدر اور ذُھیب پیشمام جنرل سکریٹری منتخب

بھٹکل مسلم اسوسی ایشن ریاض (سعودی عربیہ )  کے  لئے  عمار قاضیا صدر اور ذُھیب پیشمام جنرل سکریٹری  کے عہدہ پر منتخب ہوگئے، جبکہ  عقبہ لنکا نائب صدر، ارشاد احمد شیخ  نائب سکریٹری، سید فہد لنکا محاسب و خازن اور  نصیف ائیکری  کو جماعت کے  ترجمان کے طور پر منتخب کیا گیا۔ عہدیداران ...

محفوظ عمرہ ماڈل کے نفاذ کے بعد 1 کروڑ افراد عمرہ ادا کر چکے ہیں : وزارت حج وعمرہ

سعودی وزارت حج و عمرہ کے اعلان کے مطابق محفوظ عمرہ ماڈل کے نفاذ اور عمرہ، نماز اور زیارت کی بتدریج واپسی کے بعد سے اب تک 1 کروڑ افراد کے لیے عمرے کی ادائیگی کو ممکن بنایا گیا۔ سال 1443 ہجری کے عمرہ سیزن کے آغاز کے ساتھ ہی مختلف ممالک کے لیے جاری عمرہ ویزوں کی تعداد 12 ہزار سے تجاوز کر ...