شاہ سلمان کے حکم پر کنٹرول اینڈ اینٹی کرپشن کمیشن کا قیام

Source: S.O. News Service | By INS India | Published on 14th December 2019, 8:23 PM | عالمی خبریں |

ریاض 14 دسمبر (آئی این ایس انڈیا)سعودی عرب کے فرماں روا شاہ سلمان بن عبدالعزیز نے جمعرات کے روز تین شاہی فرامین جاری کیے جن میں مملکت میں مالیاتی اور انتظامی بدعنوانی کے انسداد سے متعلق تنظیمی اور ہیئتی اسلوب کار کی منظوری دی گئی۔ ان فرامین کے تحت مملکت میں کنٹرول اینڈ انویسٹی گیشن بورڈ اور ایڈمنسٹریٹو انویسٹی گیشنز ڈپارٹمنٹ (مباحث) کو نیشنل اینٹی کرپشن کمیشن میں ضم کر دیا گیا ہے اور اب اس ادارے کا نام بدل کرکنٹرول اینڈ اینٹی کرپشن کمیشن ہو گیا ہے۔شاہ سلمان نے کنٹرول اینڈ اینٹی کرپشن کمیشن کے اندر کرمنل انویسٹی گیشن اینڈ پراسیکیوشن یونٹ قائم کرنے کا بھی حکم جاری کیا ہے۔ یہ یونٹ مالیاتی اور انتظامی بدعنوانی سے متعلق کیسوں کی تحقیقات اور استغاثہ کے لیے مختص ہو گا۔کنٹرول اینڈ اینٹی کرپشن کمیشن مملکت میں مالیاتی اور انتظامی بدعنوانی سے متعلق جرائم اور ان کے مرتکب افراد کے حوالے سے تمام تر مطلوبہ اقدامات کرے گا۔ ان افراد میں ریاست کے شہری یا عسکری ملازمین یا ان کے ساتھ معاہدے میں شامل افراد یا پھر ان جرائم سے کسی بھی صورت میں تعلق رکھنے والے افراد شامل ہوں گے۔سعودی فرماں روا شاہ سلمان نے کنٹرول اینڈ انویسٹی گیشن بورڈ کے سربراہ ڈاکٹر عبدالرحمن بن ابراہیم الحصین کو ان کے عہدے سے سبکدوش کر کے مجلس شوری کا رکن مقرر کر دیا ہے۔

ایک نظر اس پر بھی

انڈونیشیا میں پل گرنے سے9 افراد دریا میں ڈوب کرہلاک؛ 17 کو بچالیا گیا

انڈونیشی جزیرے سماٹرا میں پیدل چلنے والے افراد کے لیے بنائے گئے پل کے گرنے سے نو افراد دریا میں ڈوب گئے ہیں۔ کسی حد تک کمزور پل دریا میں آنے والے زوردار سیلابی ریلے کو برداشت نہ کر سکا۔ اس سیلاب کی وجہ اتوار انیس جنوری کو ہونے والی زور دار بارش تھی۔

آسٹریلیا میں شدید ژالہ باری اور طوفان باد و باراں 

مختلف آسٹریلوی علاقوں کو آج زوردار طوفانِ باد و باراں کے ساتھ ساتھ شدید ژالہ باری کا سامنا رہا۔ انتہائی تیز ہوا، شدید بارش اور ژالہ باری نے لوگوں کو مالی نقصان پہنچایا ہے۔ کم از کم دو افراد ژالے لگنے سے زخمی ہوئے ہیں اور انہیں ہسپتال پہنچا دیا گیا ہے۔

روسی شہر پرم میں گرم پانی کی پائپ لائن پھٹنے سے پانچ افراد ہلاک

روسی شہر پَرم میں شدید گرم پانی کی پائپ لائن پھٹنے سے کم از کم پانچ افراد کے ہلاک ہونے کی تصدیق کر دی گئی ہے۔ کھولتا گرم پانی ایک ہوٹل کی بیسمنٹ کے کمروں میں داخل ہو گیا اور ان کمروں میں ٹھہرے افراد گرم پانی کی لپیٹ میں آ گئے۔ تین دوسرے افراد گرم پانی سے جھلس گئے ہیں اور انہیں ...

چینی ہیکروں نے اسرائیلی’آئرن ڈوم‘ سسٹم کا ڈیٹاچرایا: رپورٹ

امریکی جریدے ''National Interest'' کے مطابق چینی ہیکروں نے اسرائیل کے دفاعی میزائل سسٹم (آئرن ڈوم) کو ہیک کر کے اس کا ڈیٹا چرا لیا۔جریدے کا کہنا ہے کہ چینی ہیکروں نے آئرن ڈوم سے متعلق ڈیٹا اسرائیلی عسکری ٹکنالوجی کی کمپنیوں کے کمپیوٹروں سے چُرایا۔ یہ ڈیٹا ’ایرو 3‘ میزائلوں، فضائی آلات، ...

سی اے اے اور این آرسی کی ضرورت ہی کیا ہے؟ شہریت ترمیمی قانون اور قومی شہریت رجسٹرہندوستان کا اندرونی معاملہ ضرور لیکن؟ بنگلہ دیش کی وزیراعظم شیخ حسینہ نے کیا سوال؟

وزیراعظم نریندرمودی کے شہریت ترمیمی قانون (سی اے اے) کے خلاف جہاں ایک طرف پورا ملک سراپا احتجاج ہے وہیں ہندوستان کے سب سے قریبی ملکوں میں شامل بنگلہ دیش کی وزیراعظم شیخ حسینہ نے سوال کیا ہے کہ آخرسی اے اے کی ہندوستان کو ضرورت کیوں پڑگئی- انہوں نے یہ بھی کہاکہ سی اے اے اور این ...

فلسطینی مظاہرین پر اسرائیلی فوج کے حملے، 53 شہری زخمی

فلسطین میں قابض صہیونی ریاست کے جرائم کے خلاف مسلسل احتجاج کرنے والے فلسطینیوں پر صہیونی فوج کے حملے جاری ہیں۔ گذشتہ ہفتے اسرائیلی فوج کی انتقامی وحشیانہ کارروائیوں میں 53 فلسطینی زخمی ہوئے۔ زیادہ تر فلسطینی اسرائیلی فوج کی طرف سے براہ راست فائرنگ سے زخمی ہوئے ہیں۔