سعودی عرب میں ٹریفک کا المناک حادثہ، ایک ہی خاندان کے تمام افراد جاں بحق

Source: S.O. News Service | Published on 22nd June 2020, 12:19 PM | خلیجی خبریں |

حائل ،22؍جون (ایس او نیوز؍ایجنسی) سعودی عرب کے شمالی شہر حائل میں ٹریفک کے ایک المناک حادثے کے نتیجے میں ایک ہی خاندان کے پانچ افراد جاں بحق ہوگئے۔

ذرائع کے مطابق ایک سعودی شہری کرائے پر لیے نئے گھر میں گھر کا سامان منتقل کر رہا تھاکہ اس دوران اس کی کار سامنے سے آنے والی ایک دوسری گاڑی سے ٹکرا گئی جس کے نتیجے میں کار میں سوار ایک ہی خاندان کے پانچ افراد جاں بحق ہوگئے۔ اس حادثے میں مجموعی طور پر چھ افراد کی ہلاکت کی تصدیق کی گئی ہے۔

ایک مقامی شہری حماد محیسن التریبانی بتایا کہ اس کے بھائی حماد کی اہلیہ لینہ گائوں میں تعیناتی کے بعد انہوں نے گذشتہ برس وہاں ایک نیا مکان کرائے پر لیا تھا۔ تاہم وہ ابھی اس میں منتقل نہیں ہوئے تھے۔

حماد اپنے بچوں کے ہمراہ گھر کا سامان اور فرنیچر نئے مکان میں لے جا رہے تھے کہ راستے میں انہیں المناک حادثے کا سامنا کرنا پڑا۔ حادثہ اس قدر خوفناک تھا کہ دونوں گاڑیوں میں آگ بھڑک اٹھی اور وہ سواریوں سمیت جل کر راکھ بن گئیں۔ حادثے کے وقت کوئی شخص ان کی مدد کو نہ پہنچ سکا۔ واقعے کی خبر ملنے کےبعد پولیس نے جائے وقوعہ پر پہنچ کر لاشوں کو اسپتال منتقل کیا۔

خیال رہے کہ حادثے کا شکار ہونے والے حماد ایک مسجد کے موذن تھے۔ حادثے میں ان کے ساتھ فوت ہونے والے ان کے بچوں میں 10 سالہ سامی،9 سالہ حسام، دو سالہ عبداللہ، حماد کی اہلیہ اور ایک ملازمہ شامل ہیں۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...

دو ریاستی حل میں امارات اور بحرین کا بڑا کردار ہو گا : جیرڈ کشنر کی العربیہ سے بات چیت

امریکی صدر کے مشیر جیرڈ کشنر کا کہنا ہے کہ دو ریاستی حل کو یقینی بنانے کے سلسلے میں امارات اور بحرین کا اہم کردار ہو گا۔ انہوں نے مزید کہا کہ فلسطینی معیشت کو بہتر بنانے کے لیے ایک اقتصادی منصوبہ موجود ہے۔