ورلڈ کپ میں شکست کے باوجود پاکستان کے کپتان بنے رہیں گے سرفراز
کراچی،14 /ستمبر(ایس او نیوز/ آئی این ایس انڈیا) وکٹ کیپر بلے باز سرفراز احمد کو سری لنکا کے خلاف آئندہ سیریز کے لئے پاکستان کی ون ڈے اور ٹی 20 ٹیم کے لیے کپتان کے طورپر برقرار رکھا گیا ہے۔پاکستان کے نئے چیف کوچ اور چیف سلیکٹر مصباح الحق نے کہا کہ انہیں امید ہے کہ سرفراز کے ساتھ مل کر وہ ٹیم کو کامیابی کی راہ پر لے جائیں گے۔مصباح نے بتایا کہ دونوں فارمیٹ میں بابر ٹیم کے نائب کپتان ہوں گے۔یہ پوچھنے پر کہ سرفراز کو صرف اسی سیریز کے لئے یا طویل مدت کیلئے کپتان بنایا گیا ہے توپاکستان کرکٹ بورڈ کے چیئرمین احسان منی نے کہا کہ اس سے الگ مطلب نکالنے کی ضرورت نہیں ہے۔انہوں نے کہا کہ ٹیم کے پاس نیا انتظامیہ ہے اور ہم کامل توازن بنانے کی سمت میں گامزن ہیں۔