10کارپوریشوں کے صفائی کرمچاریوں میں اسکوٹرس کی تقسیم ، 600کرمچاریوں میں گاڑیاں تقسیم کرنے وزیر اعلیٰ بومئی کا اعلان

Source: S.O. News Service | Published on 18th September 2022, 12:12 PM | ریاستی خبریں |

بنگلورو، 18؍ستمبر(ایس او نیوز)وزیر اعلیٰ بسواراج بومئی نے کہا کہ صفائی کرمچاریوں کو دو پہیے والی گاڑیاں تقسیم کی جانے والی اسکیم کو ریاست کے10کارپوریشنوں تک توسیع کی گئی ہے۔

انہوں نے بتا یا کہ مذکورہ اسکیم سے600صفائی کرمچاروں میں دو پہیہ والی گاڑیاں تقسیم کی جائیں گی۔پہلے مرحلے میں 400صفائی کرمچاریوں میں گاڑیاں تقسیم کی جا رہی ہیں۔ کل ودھان سودھا کے سامنے کرناٹک اسٹیٹ صفائی کرمچاری ڈیولپمنٹ بورڈ کی جانب سے ودھان سودھا،وکاس سودھا اور ملٹی اسٹوریڈ(ایم ایس) بلڈنگ میں خدمت انجام دے رہے صفائی کرمچاریوں میں الیکٹرک دو پہیہ والی اسکوٹرس تقسیم کرنے کے بعد اخباری نمائندوں سے بات کر تے ہو ئے وزیر اعلیٰ نے اس بات کی جانکاری دی۔

انہوں نے بتا یا کہ صفائی کرمچاریوں کیلئے تمام سہولتیں فراہم کرتے ہو ئے انہیں خوشحال زندگی گزارنے کا موقع فراہم کیا جائے گا۔ انہوں نے بتا یاکہ صفائی کرمچاریوں کی خدمات نا قابل فراموش ہیں۔وزیر اعلیٰ کے مطابق صفائی کرمچاری روزانہ کچرا صاف کرتے ہو ئے پاک وصاف ماحول فراہم کر تے ہیں۔انہوں نے کہا کہ ان کی خدمات کے عوض انہیں دو پہیہ والی گاڑیاں تقسیم کرنے کا فیصلہ کیا گیاہے۔ انہوں نے بتا یا کہ بیرونی ممالک میں صفائی کرمچاری کاروں کے ذریعے کام پر پہنچتے ہیں۔ اب یہاں دو پہیے والی گاڑیاں تقسیم کی جار ہی ہیں۔ انہیں امید ہے کہ آنے والے دنوں میں یہاں کے صفائی کرمچاری بھی کاروں کے ذریعے کام پرپہنچیں گے۔

بومئی نے کہا کہ صفائی کرمچاریوں کے لئے مذکورہ اسکیم کی اشد ضرورت ہے اور اس اسکیم سے استفادہ کر تے ہو ئے صفائی کرمچاری پیدل آنے کے بجائے اپنی دو پہیہ والی گاڑیوں کے ذریعہ کام پر پہنچیں گے،آنے والے دنوں میں وہ کاروں میں بھی سفر کرنے کی امید کر تے ہیں۔انہوں نے بتا یا کہ حکومت صفائی کرمچاریوں کے مسائل حل کرنے کے اپنے وعدہ کی پابند ہے۔

اس موقع پر گووند کارجول،سی ٹی روی بورڈ کے چیرمین سمیت دیگر حاضر رہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔