واشنگٹن، 25؍اگست(آئی این ایس انڈیا) امریکہ میں ہندوستان کے سفیر ترنجیت سنگھ سندھونے پیرکے روز امریکی تجارت کی سیکرٹری جینا ریمونڈو کے ساتھ دوطرفہ تجارتی تعلقات پر تبادلہ خیال کیا۔ یہ معلومات امریکی محکمہ تجارت کی طرف سے جاری کردہ ایک بیان میں دی گئی ہیں۔بیان میں کہاگیاہے کہ امریکہ اور بھارت کے تجارتی تعلقات پر سندھو اور ریمنڈو کے درمیان ملاقات میں تبادلہ خیال کیا گیا۔

اس ملاقات میں ریمونڈو اور سندھو نے باہمی تجارتی تعلقات کی اہمیت پرزوردیا۔ اس کے ساتھ ساتھ ، دونوں نے وسیع تر اسٹریٹجک تعلقات کی حمایت کے لیے کاروباری تعلقات کو آگے بڑھانے کے اپنے عزم کا اظہار کیا۔اس میٹنگ میں یوایس انڈیا سی ای او فورم اور یو ایس انڈیاکمرشیل ڈائیلاگ کے پروگرام پر بھی تبادلہ خیال کیا گیا۔ اس کے ساتھ ، یو ایس انڈیا ہائی ٹیکنالوجی کوآپریشن گروپ کے پروگرام کی تنظیم نو پر بھی بات چیت ہوئی۔سندھواورریمنڈونے امریکہ بھارت ٹیکنالوجی تعاون اور ڈیجیٹل اکانومی پالیسیوں میں اصلاحات پر بھی تبادلہ خیال کیا۔