جاوید علی نے ایس پی امیدوار کے طور پر راجیہ سبھا کا پرچہ نامزدگی داخل کیا

Source: S.O. News Service | Published on 25th May 2022, 7:39 PM | ملکی خبریں |

لکھنؤ،25؍مئی (ایس او نیوز؍ایجنسی) سماج وادی پارٹی (ایس پی) نے راجیہ سبھا کی 11 سیٹوں کے لئے جاری نوٹیفکیشن کے بعد جاوید علی کو اپنا امیدوار بنایا ہے۔ جاوید علی نے بدھ کو یہاں سنٹرل ہال پہنچ کر اپنا پرچہ نامزدگی داخل کیا۔

جاوید علی اس سے پہلے راجیہ سبھا میں ایس پی کی بلند آواز مانے جاتے رہے ہیں۔ پارلیمنٹ کے ایوان بالا میں وہ سال 2014 سے سال 2020 تک ایس پی کے رکن رہے ہیں۔ ان کے نامزدگی کے وقت ایس پی کے سینئر لیڈر و راجیہ سبھا رکن رام گوپال یادو موجود تھے۔

ان سے پہلے کانگریس کے سینئر لیڈر کپل سبل نے بھی آج ایس پی سربراہ اکھلیش یادو کی موجودگی میں پرچہ نامزدگی داخل کیا۔ سابق راجیہ سبھا رکن پارلیمنٹ نے ایس پی حمایت یافتہ امیدوار کے طور پر اپنا پرچہ نامزدگی داخل کیا ہے۔ اس موقع پرسبل نے کہا’ میں 16مئی کو کانگریس سے استعفی دے چکا ہوں۔ آج آزاد امیدوار کی حیثیت سے میں راجیہ سبھا کے لئے پرچہ نامزدگی داخل کیا ہے۔ سماج وادی پارٹی اس میں میرا تعاون کررہی ہے۔ اکھلیش یادو کا شکریہ ساتھ ہی انہوں نے اپوزیشن کو متحد کرتے ہوئے سال 2024 تک مرکزی حکومت کی ناکامیوں کو عوام کے سامنے لانے کے عزم کا اظہار کیا۔

 

قابل ذکر ہے کہ اس وقت راجیہ سبھا میں ایس پی کے پانچ اراکین ہیں۔ ان میں رام گوپال کے علاوہ جیہ بچن، وشمبھر پرساد نشاد، چودھری سکھرام سنگھ اور ریوتی رمن سنگھ شامل ہیں۔راجیہ سبھا کی اترپردیش سے 11 سیٹوں پر الیکشن کے لئے کل ہی نوٹیفکیشن جاری کیا گیا ہے۔ آئند یکم جون کو دستاویزات کی جانچ ہوگی اور تین جون تک پرچے واپس لئے جاسکیں گے۔ اس کے بعد 10 جون کو صبح 9 بجے سے شام 4 بجے تک ووٹنگ ہوگی اور شام 5 بجے سے ووٹ شماری کا آغاز ہوگا۔

یوپی سے راجیہ سبھا کے لئے 31 اراکین منتخب کئے جاتے ہیں۔ ان میں سے 11 اراکین کامیعاد کار آئندہ 4 جولائی کو ختم ہورہا ہے۔ اتر پردیش میں اسمبلی کی موجودہ تعداد کے مطابق بی جے پی اتحاد کے 273، ایس پی اتحاد کے 125، جن ستا دل (لوک تانترک) اور کانگریس کے دو۔دو جبکہ بی ایس پی کا ایک ایم ایل اے ہے۔

اس اعتبار سے الیکشن والی 11 سیٹوں میں سے بی جے پی کو 7 اور ایس پی کو 3 سیٹیں ملنا طے ہے۔ جبکہ ایک سیٹ پر تصویر ابھی صاف نہیں ہے۔ مانا جاتا ہے کہ جن ستا دل کے دو اراکین اسمبلی کی حمایت بی جے پی کو مل سکتی ہے۔ وہیں کانگریس اور بی ایس پی کا کسی بھی پارٹی سے اتحاد نہ ہونے کی وجہ سے یہ دونوں پارٹیاں الیکشن سے دور رہ سکتی ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...