سچن تندولکر آئی سی سی ’ہال آف فیم‘ میں شامل

Source: S.O. News Service | By Shahid Mukhtesar | Published on 22nd July 2019, 12:54 PM | اسپورٹس |

لندن،22؍جولائی (ایس او نیوز؍یو این آئی) ہندوستان کے لیجنڈ کرکٹر سچن تندولکر اور سابق جنوبی افریقی فاسٹ بولر ایلن ڈونالڈ کو جمعہ کو باوقار آئی سی سی ہال آف فیم میں شامل کیا گیا ہے۔سچن نے یہ اعزاز حاصل ہونے پر آئی سی سی کا شکریہ ادا کیا ہے۔ آسٹریلیا خواتین ٹیم کی فاسٹ بولر کیتھرین فٹزپیٹرك کو بھی آئی سی سی ہال آف فیم میں شامل کیا گیا ہے۔

لندن میں منعقد ایک پروگرام میں کرکٹ کی دنیا کی تینوں شخصیات کو یہ اعزاز دیا گیا۔بین الاقوامی کرکٹ کونسل کے اصولوں کے مطابق کسی بھی کرکٹر کے بین الاقوامی کرکٹ سے ریٹائرمنٹ کے پانچ سال بعد اس کے ہال آف فیم میں شامل کیا جا سکتا ہے، ایسے میں نومبر 2013 میں ریٹائر ہوئے سچن اس سال یہ اعزاز کے حقدار بن گئے۔

آئی سی سی کا یہ اعزاز حاصل کرنے والے سچن چھٹے ہندستانی کرکٹر ہیں۔ ان سے پہلے سنیل گواسکر، بشن سنگھ بیدی، کپل دیو، انل کمبلے اور راہل دراوڑ کو بھی یہ اعزاز حاصل ہوا ہے۔ سچن واحد کرکٹر ہیں جنہوں نے کیریئر میں 200 ٹیسٹ میچ کھیلے ہیں۔ ان کے نام ٹیسٹ فارمیٹ میں 15921 رنز اور ون ڈے انٹرنیشنل کرکٹ میں 18426 رنز درج ہیں۔

ان کے اس اعداد و شمار تک اور کوئی کرکٹر نہیں پہنچ پایا ہے۔ اس کے علاوہ وہ بین الاقوامی کرکٹ میں واحد ایسے کھلاڑی ہیں جنہوں نے کیریئر میں 100 سنچری لگائی ہیں ۔ ان کے نام ٹیسٹ میں 51 اور ون ڈے میں 49 سنچری درج ہیں۔

سال 2011 میں عالمی کپ فاتح ٹیم کا حصہ رہے سچن نے ہال آف فیم کا اعزاز ملنے پر خوشی کا اظہار کرتے ہوئے کہا کہ آئی سی سی ہال آف فیم میں جگہ ملنا اعزاز کی بات ہے۔ یہ کرکٹروں کے کھیل کے لئے دیئے گئے تعاون کا اعزاز ہے۔ اس میں شامل تمام کھلاڑیوں نے کھیل کی مقبولیت اور ترقی کے لئے اپنا کردار ادا کیا اور میں خوش ہوں کہ میں نے بھی اس میں حصہ لیا۔

ماسٹر بلاسٹر کے علاوہ جنوبی افریقہ بولر ایلن ڈونالڈ بھی آئی سی سی ہال آف فیم میں شامل ہو کئے گئے ہیں۔ وہ سال 2004 میں کرکٹ کے تمام فارمیٹس سے ریٹائر ہو گئے تھے۔ جنوبی افریقہ کے تیز گیندبازوں میں شامل ڈونالڈ پہلے بولر ہیں جن کے نام ٹسٹ میں 300 وکٹ اور ون ڈے کرکٹ میں 200 وکٹ درج ہیں۔ ڈونالڈ نے ایک دہائی سے زیادہ وقت تک چلے اپنے کیریئر میں 602 بین الاقوامی وکٹ حاصل کئے۔

ایک نظر اس پر بھی

ہندوستان کی جنوبی افریقہ کے خلاف اننگز اور 137 رن سے بڑی جیت، فریڈم سیریز پر قبضہ

ہندستان نے جنوبی افریقہ کو پہلی بار فالوآن کھیلنے پر مجبورکیا اور گیندبازوں کی شاندار کارکردگی کی بدولت دوسرا ٹسٹ چوتھے دن ہی اتوار کو اننگز اور 137رن سے جیت کر تین میچوں کی سیریز میں دوصفر کی ناقابل تسخیر سبقت حاصل کرلی ۔ ہندستان کی جنوبی افریقہ کے خلاف یہ سب سے بڑی جیت ہے اور ...

انگلینڈ کے آل راؤنڈراسٹوکس بنے پی سی اے کے ’سال کے بہترین کھلاڑی‘

انگلینڈ کے آل راؤنڈر بین اسٹوکس کو پیشہ ورانہ کرکٹروں کے ایسوسی ایشن (پی سی اے) کے ایوارڈز میں ’سال کا بہترین کھلاڑی‘منتخب کیا گیا۔اسٹوکس نے انگلینڈ کو عالمی کپ کا خطاب دلانے میں اہم کردار ادا کیا تھا جس میں وہ جولائی میں نیوزی لینڈ کے خلاف فائنل میں مین آف دی میچ رہے تھے۔28سال ...

دیپا کرماکر زخمی، جمناسٹکس چمپئن شپ میں ہندوستان کے لیے بڑا چیلنج

03/اکتوبر(آئی این ایس انڈیا) زخمی دیپا کرماکر کی غیر موجودگی میں ہندوستانی جمناسٹو کو جمعہ سے یہاں شروع ہو رہی عالمی جمناسٹکس چمپئن شپ میں سخت چیلنج کا سامنا کرنا ہوگا۔ہندوستانیوں کو حالانکہ میڈل کی توقع نہیں ہوگی لیکن وہ اپنی بہترین کارکردگی کرنا چاہتے ہیں۔ اولمپکس کے لیے ...

اظہرالدین حیدرآباد کرکٹ ایسوسی ایشن کے صدر منتخب

ہندوستانی کرکٹ ٹیم کے سابق کپتان محمد اظہر الدین حیدرآباد کرکٹ ایسوسی ایشن(ایچ سی اے) کے صدر کے باوقار عہدہ کیلئے منتخب ہوگئے۔ شہر کے علاقہ اُپل میں واقع راجیو گاندھی انٹرنیشنل کرکٹ اسٹیڈیم میں جمعہ کی صبح ایسوسی ایشن کے انتخابات منعقد ہوئے اور نتائج کا اعلان شام پانچ بجے کیا ...

کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر ...