نئی دہلی،17/ستمبر(ایس او نیوز/ آئی این ایس انڈیا )  وزیر خارجہ ایس جے شنکر نے آسیان ممالک کے طالب علموں کے لئے آئی آئی ٹی میں ایک ’پی ایچ ڈی فیلوشپ‘ پروگرام شروع کیا ہے۔حکام نے یہ معلومات دی۔یہ پروگرام اپنی نوعیت کا سب سے بڑا پروگرام ہے، جس میں تین بیچ میں 1,000 طالب علموں کو منتخب کیا جائے گا۔ جے شنکر نے یہاں جواہر لال نہرو بھون میں اس پروگرام کا افتتاح کیا اور طالب علموں سے درخواست حاصل کرنے کے لئے ایک پورٹل بھی شروع کیا۔انسانی وسائل و ترقی کی وزارت کے ایک سینئر افسر نے بتایا کہ حکومت آسیان (جنوب مشرقی ایشیائی ممالک کی تنظیم) ممالک کے طالب علموں کے لئے مکمل طور پر فنڈز کا اعلان اس پی ایچ ڈی پروگرام کے لئے 300 کروڑ روپے خرچ کرے گی۔بھارتی ٹیکنالوجی ادارے (آئی آئی ٹی)، دہلی اس پروگرام کے لئے ایجنسی ہوگی جو اگلے تین برسوں میں 1,000 طالب علموں کا منتخب کرے گی۔ وزارت کے افسر نے بتایاکہ اس سال 250 طالب علموں کو منتخب کیا جائے گا اگلے سال 300 اور اس کے اگلے سال 450 طالب علموں کو منتخب کیا جائے گا۔ وزارت خارجہ کے ایک اہلکار نے کہا کہ پروگرام کے لئے مکمل رقم انسانی وسائل وترقی کی وزارت فراہم کر رہی ہے اور وزارت خارجہ آسیان ممالک سے رابطہ کر کے اسے مقبول بنانے کے لئے اس میں ایک شراکت دار ہے۔