ماسکو،24؍جون (ایس او نیوز؍ایجنسی) روس کا ایک فوجی طیارہ یازان نامی شہر میں گر کر تباہ ہو گیا۔ غیرملکی خبررساں ادارے کے مطابق حادثے میں 4 افراد ہلاک اور 5 زخمی ہوئے ہیں۔ طیارے میں 9 افراد سوار تھے۔ زخمیوں کو اسپتال منتقل کر دیا گیا ہے۔ ابتدائی اطلاعات کےمطابق طیارے کا حادثہ یازان شہر میں میخائلوسکی ہائی وے پر پیش آیا۔

روسی وزارت دفاع نے بتایا کہ طیارہ تربیتی پرواز پر تھا اور اس کے انجن میں خرابی پیش آئی جس کی وجہ سے لینڈنگ کے دوران طیارہ ہائی وے پر گرگیا۔ روسی سامان بردار فوجی طیارہ لائیشن ٹو 76 ساختہ تھا۔ طیارے کا حادثہ مقامی وقت کے مطابق صبح 4 بجے پیش آیا۔ طیارہ جس مقام پر گرا اس کے نزدیک رہائشی عمارتیں موجود ہیں تاہم طیارہ گرنے کے بعد لگنے والی آگ کو پھیلانے سے قبل بجھا دیا گیا۔