مودی حکومت نے لوک سبھا میں ’آر ٹی آئی‘ ختم کرنے والا بل پیش کیا: کانگریس

Source: S.O. News Service | By Shahid Mukhtesar | Published on 23rd July 2019, 11:29 AM | ملکی خبریں | ان خبروں کو پڑھنا مت بھولئے |

نئی دہلی،23؍جولائی (ایس او نیوز؍یو این آئی)  کانگریس نے الزام لگایا ہے کہ ’کم از کم گورنمنٹ اور زیادہ سے زیادہ گورننس‘ کی بات کرنے والی مرکزی حکومت لوگوں کے اطلاعات کے حق کے تحت حاصل حقوق کو چھین رہی ہے اور اس قانون کو ختم کرنے کی کوشش کررہی ہے۔

لوک سبھا میں کانگریس کے ششی تھرور نے اطلاعات کا حق (ترمیمی)بل 2019پر بحث میں حصہ لیتے ہوئے الزام لگایا کہ حکومت اس قانون میں ترمیم نہیں بلکہ اس قانون کو ہی ختم کرنے والا بل لے کر آئی ہے۔ اس قانون کی پوری دنیا میں تعریف ہورہی ہے اور ملک کے شہریوں کو حاصل اس حق سے عام آدمی کی اقتدار میں شراکت بڑھی ہے لیکن یہ حکومت اسے ختم کررہی ہے۔

ششی تھرور نے کہا کہ پارلیمنت کی اسٹینڈنگ کمیٹی نے اس قانون کو مزید مضبوط کرنے کی بات کہی تھی لیکن حکومت نے اس پر توجہ دینے کے بجائے اس قانون کو کمزور کرنے کا کام کیا ہے۔ سال 2014 میں تقرریاں ہی نہیں کی گئیں اور جب سپریم کورٹ نے مداخلت کی تو تقرری کی گئی۔ حکومت بل پر پارلیمانی تجزیہ نہیں کرنا چاہتی ہے بلکہ اسے جلد بازی میں پاس کرنے کے حق میں ہے۔

تھرور نے مزید کہا کہ اس بل کو منظور کرکے حکومت اپنی بھاری اکثریت کا مناسب استعمال نہیں کررہی ہے۔ اسے حاصل ہونے والی بھاری اکثریت کا ہی نتیجہ ہے کہ عام آدمی کے اطلاع حاصل کرنے کے حقوق کو کچلا جارہا ہے اور اس کے لئے یہ بل لایا گیا ہے۔ اس بل کو پارلیمنٹ میں لانے سے صاف ہوگیا ہے کہ حکومت عام آدمی کو اس کا حق نہیں دینا چاہتی ہے۔ انہوں نے اطلاع کے حق قانون کو حکومت کے کام کاج میں شفافیت لانے کا طریقہ بتایا اورکہا کہ یہ اقتدار میں عوام کی شراکت او رحکومت کی ذمہ داری طے کرنے والا قانون ہے اس لئے حکومت کو اس بل کو واپس لینا چاہیے۔

ایک نظر اس پر بھی

پٹنہ میں پھر قتل، نظم و نسق پر سوالیہ نشان،ہندودوست کی والدہ کے انتم سنسکار میں شامل ہونے گئے علاؤالدین کا قتل

پولیس کے ذریعہ انڈگو اسٹیشن ہیڈ روپیش سنگھ کے قتل کا معاملہ حل بھی نہیں کیا گیا کہ پٹنہ میں دن دہاڑے ایک اور قتل ہوگیا۔مجرموں نے ایمبولینس کے مالک علاؤالدین کو سر میں گولی مارکر فناکے گھاٹ کے اتار دیا قتل کا یہ کیس تھانہ سلطان گنج کے تحت گلابی گھاٹ کا ہے۔ علاؤالدین اپنے ...

سی بی آئی نے اپنے کئی افسران کے خلاف بدعنوانی اور عہدے کے غلط استعمال پردرج کئے مقدمات

سی بی آئی نے اپنے متعدد عہدیداروں کے خلاف بینک سے دھوکہ دہی کی ملزم کمپنیوں کی مدد کرنے کے سلسلے میں سرکاری عہدے کے غلط استعمال اور بدعنوانی کے مقدمات درج کئے اور جمعرات کی صبح ایک سرچ آپریشن کیا۔

کاروار: پی یو سی میں زیر تعلیم دوطلبا نے اپنی ذہانت سے تیار کی  بیٹری سے چلنے والی الکٹریکل سائیکل

پٹرول اور ڈیزل کی دن بدن بڑھتی مہنگائی اور اس کے استعمال سےہونےو الی ماحولیاتی آلودگی کو دیکھتے ہوئے حالیہ دنوں میں الکٹریکل سواریوں کی مانگ میں اضافہ دیکھا جارہاہے۔ اسی سے ترغیب پاکر کالج کے  دو طلبا نے بہت ہی کم خرچ پر بیٹری سے چلنے والی سائیکل تیارکرتےہوئے مثال پیش کی ہے۔