ریزرویشن سے متعلق آر ایس ایس اور بی جے پی کے ارادے ٹھیک نہیں: تیجسوی یادو

Source: S.O. News Service | By Shahid Mukhtesar | Published on 21st August 2019, 11:05 AM | ملکی خبریں |

پٹنہ، 21؍اگست (ایس او نیوز؍یو این آئی)  بہار اسمبلی میں اپوزیشن لیڈر تیجسوی پرساد یادو نے ریزرویشن کے معاملے پر راشٹریہ سوئم سیوک سنگھ ( آر ایس ایس ) کے چیف موہن بھاگوت کے حالیہ بیان پر پلٹ وار کرتے ہوئے کہا کہ ریزرویشن کو لے کر آر ایس ایس اور بھارتیہ جنتا پارٹی ( بی جے پی ) کے ارادے ٹھیک نہیں ہیں۔

تیجسوی یادو نے مائیکرو بلاگنگ ویب سائٹ ٹوئٹر پر لکھا کہ ” موہن بھاگوت جی کے بیان کے بعد آپ کو یہ صاف ہوناچاہئے کیونکہ ہم آپ کو ” آئین بچاؤ“ اور ” بیروزگاری ہٹاؤ، ریزرویشن بڑھاؤ، کے نعروں کے ساتھ آگاہ کر رہے تھے۔ ” خوشگوار ماحول “ کی نوٹنکی میں یہ آپ کا ریزرویشن چھین لینے کے منصوبے میں کافی آگے بڑھ چکے ہیں۔ جگاؤ اور حقوق بچانے کی مشال جلاؤ۔“

آرجے ڈی لیڈر نے ایک دیگرٹوئٹ میں کہاکہ ” ریزرویشن سے متعلق آر ایس ایس اور بی جے پی کی منشا ٹھیک نہیںہے ۔ بحث اس بات پر کیجئے کہ اتنے سالوں بعد بھی سرکاری نوکریوں میں ریزرو زمروں کے اسی فیصد عہدے خالی کیوں ہیں۔ ان کی نمائندگی علامتی بھی نہیں ہے۔ مرکز میں ایک بھی سیکریٹری پسماندہ طبقہ انتہائی پسماندہ طبقہ سے کیوں نہیںہے ۔ کوئی وائس چانسلر درج فہرست ذات انتہائی پسماندہ طبقہ سے کیوں نہیں ہے، کیجئے بحث ۔

واضح رہے کہ موہن بھاگوت نے اتوار کو کہا تھا کہ جو ریزرویشن کے حق میں ہیں اور جو اس کے خلاف ہیں ان لوگوں کے مابین اس پر خوشگوار ماحول میں بات چیت ہونا چاہئے۔

ایک نظر اس پر بھی