دہلی میں کورونا: چار دنوں میں وصول کیا گیا 1.5 کروڑ روپے کا جرمانہ

Source: S.O. News Service | Published on 26th November 2020, 11:48 AM | ملکی خبریں | ان خبروں کو پڑھنا مت بھولئے |

نئی دہلی،26؍نومبر (ایس او نیوز؍ایجنسی) ہندوستان کی راجدھانی دہلی میں کورونا انفیکشن کا اثر لگاتار بڑھ رہا ہے، اس کے باوجود لوگوں کی لاپروائی کم ہونے کا نام نہیں لے رہی ہے۔ کورونا پر قابو پانے کے لیے لوگوں کو ہدایت دی گئی ہے کہ وہ سوشل ڈسٹنسنگ پر عمل کریں اور ماسک کا استعمال کریں، لیکن کئی مقامات پر لوگوں کو بغیر ماسک کے گھومتے ہوئے دیکھا جا رہا ہے۔ یہی وجہ ہے کہ دہلی حکومت نے ماسک نہ پہننے کی صورت میں جرمانہ کی رقم بڑھا کر 2000 روپے کر دی ہے۔ اس کا اثر یہ ہوا کہ چالان کی شکل میں بڑی رقم دہلی پولس لوگوں سے وصول کر رہی ہے۔

دراصل پہلے جرمانہ کے طور پر 500 روپے وصول کیے جاتے تھے، لیکن سختی کرتے ہوئے اب یہ رقم 2000 روپے کر دی گئی ہے۔ اس سلسلے میں دہلی حکومت نے 20 نومبر کو نوٹیفکیشن جاری کیا تھا جس کے بعد سے اب تک یعنی چار دنوں کے دوران دہلی پولس نے 1.5 کروڑ روپے کی رقم اکٹھا کر لی گئی ہے۔ دہلی حکومت کی جانب سے جاری کردہ اعداد و شمار کے مطابق 20 نومبر سے اب تک کل 7655 چالان جاری کیے گئے ہیں جن میں تھوکنے کے سبب صرف 4 چالان جاری کیے گئے ہیں۔ علاوہ ازیں سوشل ڈسٹنسنگ کی خلاف ورزی کرنے کے لیے 218 چالان کاٹے گئے ہیں۔ اس کے علاوہ ماسک نہ پہننے کو لے کر سب سے زیادہ 5388 چالان کٹے ہیں۔ حالانکہ پولس نے کہا کہ پیر تک کووڈ قوانین کی خلاف ورزی میں تیزی سے کمی آئی ہے جہاں صرف 410 چالان جاری کیے گئے تھے۔

ایک نظر اس پر بھی

آر جے ڈی رہنما شیام رجک کو ملی ترقی، پارٹی نے بنایا قومی جنرل سکریٹری 

بہار حکومت میں سابق وزیر اور آر جے ڈی رہنما شیام رجک کو پارٹی نے ترقی دی ہے۔ شیام رجک جنہیں حال ہی میں آر جے ڈی ریاست کا نائب صدر بنایا گیا تھا ان کو آر جے ڈی ہائی کمان نے پارٹی کے قومی جنرل سکریٹری کے عہدے پر نامزد کیا ہے۔

کسانوں کی ٹریکٹر ریلی پر سپریم کورٹ کا پھر مداخلت سے انکار؛کہا؛ یہ پولیس کے دائرہ اختیار کا معاملہ ہے

26 جنوری کو ہونے والی کسانوں کی  ٹریکٹر ریلی سے متعلق دہلی پولیس کی درخواست پر سپریم کورٹ نے ایک بار پھر کہا  کہ دہلی پولیس کو ریلی سے متعلق فیصلہ لینے کا اختیار ہے۔ سولیسٹر جنرل  نے جب بحث کا آغاز کیا اور 25 جنوری کو کیس کی سماعت کرنے کو کہا تو  چیف جسٹس نے سولیسٹر جنرل کو بتایا ...

بنگلورو انٹرنیشنل ایئرپورٹ پرکسٹم آفسر کی بیگ سے برآمد ہوئے 74 لاکھ روپئے نقد

بنگلور کے کیمپے گوڈا انٹرنیشنل ائرپورٹ پر منگل کی صبح ایک عجیب واقعہ پیش آیا جب سیکوریٹی چیکنگ کے دوران ایک  آف ڈیوٹی کسٹم آفسر نے   اپنا کیبین لگیج کھول کر دکھانے سے انکار کیا، اس کاروائی کےدوران قطار میں کھڑی اس کی اہلیہ  ٹوائلیٹ چلی گئی۔ بعد میں پتہ چلا کہ  متعلقہ کسٹم ...