روہت شرما نے منائی رنوں کی دیوالی ، سنچری لگاکر توڑے تین ورلڈ ریکارڈ ، شعیب ملک کو بھی چھوڑا پیچھے

Source: S.O. News Service | By S O News | Published on 7th November 2018, 8:10 PM | اسپورٹس |

لکھنو،7؍نومبر (ایس او نیوز؍ایجنسی) ویسٹ انڈیز کے خلاف دوسرے ٹی 20 میچ میں ٹیم انڈیا کے کپتان روہت شرما نے اپنے بلے سے کہرام مچا دیا ۔ روہت شرما نے لکھنو میں 61 گیندوں میں ناٹ آوٹ 111 رن بنائے، جس کی بدولت ٹیم انڈیا نے 195 رنوں کا بڑا اسکور کھڑا کیا ۔ اپنی اس سنچری کے دوران روہت نے ایک نہیں بلکہ تین تین عالمی ریکارڈ توڑ ڈالے۔

روہت شرما دنیا کے پہلے کرکٹر بن گئے ہیں ، جس نے ٹی 20 میں چار سنچریاں بنائی ہیں ۔ انہوں نے تین سنچری بنانے والے کالن منرو کو پیچھے چھوڑ دیا ہے۔ آپ کو بتادیں کہ ہندوستان کیلئے اب تک روہت کے علاوہ کوئی بھی دوسرا بلے باز ایک سے زیادہ ٹی 20 سنچری نہیں بناسکا ہے۔

علاوہ ازیں روہت شرما دنیا کے پہلے کپتان ہیں ، جس نے ٹی 20 میں دو سنچری بنائی ہو ۔ اپنی اس سنچری سے روہت شرما نے وراٹ کوہلی کو بھی پیچھے چھوڑ دیا ۔ روہت اب ہندوستان کیلئے سب سے زیادہ ٹی 20 رن بنانے والے بلے باز بھی بن گئے ہیں ۔ ساتھ ہی ساتھ روہت شرما نے پاکستانی بلے باز شعیب ملک کو بھی پیچھے چھوڑ دیا ہے اور اب وہ ٹی 20 انٹرنیشنل میں سب سے زیادہ رن بنانے کے معاملہ میں دوسرے نمبر پر پہنچ گئے ہیں ۔

روہت شرما کے نام ٹی 20 انٹرنیشنل میں اب 2203 رن ہوگئے ہیں جبکہ شعیب ملک کے نام 2190 رن ہیں ۔ اس فہرست میں مارٹن گپٹل سب سے اوپر ہیں اور ان کے نام 2271 رن ہیں ۔یہی نہیں روہت شرما نے ٹی 20 میں 19 ویں مرتبہ 50 سے زیادہ رنوں کی اننگز کھیلی ہے۔ انہوں نے وراٹ کوہلی کے ریکارڈ کو توڑ دیا ہے۔

روہت شرما نے لکھنو ٹی 20 میں کل سات چھکے لگائے ۔ اس کے ساتھ ہی وہ انٹرنیشنل کرکٹ کے ایک کلینڈر سال میں سب سے زیادہ چھکے لگانے والے کرکٹر بھی بن گئے ہیں۔ گزشتہ سال روہت شرما نے 65 چھکے لگاکر ٹاپ کیا تھا۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...