کورونا بحران میں روبوٹ کے ذریعہ آب زم زم کی تقسیم، حرمین شریفین میں جدید ٹیکنالوجی کا بہترین استعمال

Source: S.O. News Service | Published on 11th January 2022, 12:03 PM | خلیجی خبریں |

ریاض، 11؍ جنوری (ایس او نیوز؍ایجنسی)  کورونا وبا کے دور میں مکہ مکرمہ میں حرمین شریفین کی انتظامیہ نے نئی ٹیکنالوجی کا بہترین استعمال کرتے ہوئے  روبوٹ کے ذریعے آب زم زم کی بوتلوں کی تقسیم کا کام شروع کردیا ہے۔ میڈیا رپورٹ کے مطابق سیکریٹری ادارہ آب زم زم بدر اللقمانی نے کہا کہ اسمارٹ روبوٹ ٹیکنالوجی کورونا وائرس کے ماحول میں بے حد اہم اور محفوظ طریقہ کار ہے۔ انسانی معاونت کے بغیر آب زم زم کی تقسیم کی بدولت کارکنان بھی وائرس لگنے سے محفوظ رہتے ہیں اور زائرین کو بھی تحفظ حاصل رہتا ہے۔

اللقمانی نے کہا کہ روبوٹ دس منٹ میں ایک چکر پورا کرتا ہے۔ اس دوران 30 بوتلیں زائرین کی خدمت میں پیش کر دیتا ہے۔ روبوٹ 8 گھنٹے کی مسلسل ڈیوٹی دیتا ہے۔ آب زم زم کی بوتل لینے کے لیے 20 سیکنڈ انتظار کرتا ہے۔ زائرین سے نہ تو الجھتا ہے اور نہ ہی نقل و حرکت میں تعطل پیدا کرتا ہے۔

اللقمانی نے کہا کہ مسجد الحرام میں اسمارٹ روبوٹ سے بڑے پیمانے پر فائدہ اٹھانے کا پروگرام بنایا جا رہا ہے۔ علاوہ ازیں اس سے اور بھی متعدد خدمات لی جائیں گی۔ اللقمانی نے توجہ دلائی کہ جدید ٹیکنالوجی کی دنیا میں جو کچھ بھی نیا آ رہا ہے ہم اس پر نظر رکھے ہوئے ہیں۔ ہماری کوشش ہے کہ جدید ترین ٹیکنالوجی سے مسجد الحرام اور اس کے زائرین کی خدمت کی جائے۔

آب زم زم کی سبیل کے سلسلے میں بھی ایسی ٹونٹیاں لگائی جا رہی ہیں جو چھوئے بغیر ریموٹ سینس سے کام کرتی ہوں۔ خیال رہے حج موسم کے علاوہ بھی آب زم زم کی بوتلیں یومیہ ہزاروں کی تعداد میں تقسیم کی جاتی ہیں۔

ایک نظر اس پر بھی

سعودی حکومت کا ایسا اصول جس کے سبب 10 لاکھ سے زائد غیر ملکیوں نے ملازمت چھوڑ دی

  مملکت سعودی عرب میں 2018 کے آغاز سے 2021 کی تیسری سہ ماہی کے اختتام تک 45 ماہ کے اس عرصے کے دوران مجموعی طور پر 10 لاکھ سے زائد غیر ملکی ملازمین اپنی ملازمتیں چھوڑ آئے۔ سعودی میڈیا کے مطابق ملازمین کی یہ تعداد ملک میں غیر ملکی ملازمین کی کل تعداد کا 10 فیصد ہے۔

دبئی : 6 فروری سے شروع ہورہا ہے بھٹکل پریمیئر لیگ کا نواں کرکٹ ٹورنامنٹ؛ کھلاڑیوں کے آوکشن میں آسجد حیدر اور صفوان شانو ثابت ہوئے سب سے مہنگے کھلاڑی

بھٹکل پریمئیر لیگ (بی پی ایل) کا دسواں کرکٹ ٹورنامنٹ 6 فروری سے شروع ہورہا ہے جو  27 فروری تک جاری رہے گا۔  گذشتہ سالوں کی طرح اس بار بھی ٹورنامنٹ کے تمام میچس  عجمان گراونڈ میں  کھیلے جائیں گے۔

یو اے ای میں تین تیل ٹینکر دھماکہ سے تباہ، 3 ہلاک شدگان میں 2 ہندوستانی شامل

متحدہ عرب امارات (یو اے ای) میں ابوظبی بین الاقوامی ائیرپورٹ پر تین تیل ٹینکر دھماکہ سے تباہ ہو گئے۔ اندیشہ ظاہر کیا جا رہا ہے کہ یہ تیل ٹینکر ایک حملے کا شکار ہوئے ہیں۔ یو اے ای افسران کا کہنا ہے کہ حملے ڈرون کی مدد سے کیے گئے ہیں جس میں 3 لوگوں کی موت واقع ہو گئی۔ میڈیا رپورٹس کے ...

بھٹکل جالی روڈ سعودی کالونی میں مسجد ہاجرہ کا خوبصورت افتتاح؛ اپنے محبوب بندوں کو ہی اللہ اپنے گھر کے تعمیر کی توفیق دیتے ہیں؛ مولانا عبدالعلیم ندوی کا خطاب

جالی روڈ پر واقع نئی بسائی گئی سعودی کالونی میں جمعہ کو عصر کی نماز کے ساتھ مسجد ہاجرہ کا خوبصورت افتتاح عمل میں آیا جس میں حاضرین سے خطاب کرتے ہوئے بھٹکل جامع مسجد کے خطیب مولانا عبدالعلیم خطیب  ندوی نے  کہا کہ  اللہ کا گھر  ہر کوئی تعمیر نہیں کرسکتا، اللہ اپنے پسندیدہ ...