آر جے ڈی رہنما شیام رجک کو ملی ترقی، پارٹی نے بنایا قومی جنرل سکریٹری 

Source: S.O. News Service | Published on 20th January 2021, 8:54 PM | ملکی خبریں |

پٹنہ،20/جنوری (آئی این ایس انڈیا) بہار حکومت میں سابق وزیر اور آر جے ڈی رہنما شیام رجک کو پارٹی نے ترقی دی ہے۔ شیام رجک جنہیں حال ہی میں آر جے ڈی ریاست کا نائب صدر بنایا گیا تھا ان کو آر جے ڈی ہائی کمان نے پارٹی کے قومی جنرل سکریٹری کے عہدے پر نامزد کیا ہے۔ ان کی نامزدگی خط آر جے ڈی کے قومی جنرل سکریٹری عبدالباری صدیقی نے جاری کیا ہے۔

واضح رہے کہ آر جے ڈی سپریمو لالو پرساد یادو کی ہدایت پر انہیں یہ ذمہ داری سونپی گئی ہے۔قومی جنرل سکریٹری کے عہدے پر نامزدگی کے بعد پارٹی کے تمام رہنماؤں نے شیام رجک کو مبارکباد دی ہے۔ اسی دوران سابق وزیر اعلی رابڑی دیوی، اپوزیشن لیڈر تیجسوی پرساد یادو، تیج پرتاپ یادو شامل تھے۔ رکن پارلیمنٹ ڈاکٹر میسا بھارتی نے کہا کہ اس سے پارٹی مضبوط ہوگی۔واضح رہے کہ گزشتہ دنوں میں سابق وزیر کو پارٹی کے ریاستی صدر جگدانند سنگھ نے ریاستی نائب صدر کے عہدے پر نامزد کیا تھا۔ ان کے ساتھ  بھودیو چودھری اور پریم کمار منی کو بھی پارٹی نائب صدر بنایا گیاتھا۔

تاہم جے ایم ڈی میں رہتے ہوئے بہارقومی جنرل سکریٹری اور بہارحکومت میں وزیر کے عہدے پر رہ چکے شیام رجک کو آر جے ڈی میں ریاستی نائب صدر بنائے جانے کے بعد کافی تنازعہ کھڑا ہوا تھا۔اس معاملے پر ہم پارٹی کے ترجمان دانش رضوان نے طنز کرتے ہوئے کہا تھاکہ پارٹی دلت ہونے کی وجہ سے شیام رجک کو پریشان کررہی ہے۔ پارٹی ان کے ساتھ اچھا کام نہیں کررہی ہے۔ جب شیام رجک جے ڈی یو میں تھے توانہیں وزیر کا عہدہ ملاتھا۔ لیکن آر جے ڈی نے انہیں ریاستی نائب صدر بنا دیا۔ آر جے ڈی میں شامل ہونے والے شیام رجک کی ترقی ہوگئی ہے۔ ایسی صورت میں ان تنازعات کے دوران پارٹی نے اپنا فیصلہ بدلا اور انہیں قومی جنرل سکریٹری کے لئے نامزد کیا۔

ایک نظر اس پر بھی

تلنگانہ کے بھینسا قصبہ میں دو فرقہ کے درمیان تصادم، دفعہ 144 نافذ

تلنگانہ کے بھینسا قصبہ میں دو فرقہ کے درمیان تصادم کی خبریں سامنے آئی ہیں۔ میڈیا ذرائع سے موصول ہو رہی اطلاعات کے مطابق اتوار اور پیر کی درمیانی شب کو شروع ہوئے تنازعہ اور پرتشدد تصادم کے بعد پیر کے روز حالات کشیدہ ہو گئے۔