سدرامیا پر وشواناتھ کا بیان کانگریس جے ڈی ایس میں دراڑ کا سبب

Source: S.O. News Service | By Shahid Mukhtesar | Published on 14th May 2019, 12:40 PM | ریاستی خبریں | ان خبروں کو پڑھنا مت بھولئے |

بنگلورو،14؍مئی(ایس او  نیوز) سابق وزیر اعلیٰ سدرامیا کے دوبارہ وزیر اعلیٰ بننے کے متعلق بیانوں پر سخت ردعمل ظاہر کرتے ہوئے ریاستی جے ڈی ایس صدر ایچ وشواناتھ کی طرف سے سدرامیا پر کی گئی نکتہ چینی ریاست میں کانگریس جے ڈی ایس اتحاد میں غیر معمولی دراڑ کا سبب بنی ہوئی ہے۔ وشواناتھ نے اپنے بیان میں دوبارہ وزیراعلیٰ بننے سدرامیا کے حامیوں کی خواہش پر طنز کرتے ہوئے کہاتھاکہ پانچ سال اقتدار پر رہ کر ریاست میں سدرامیا نے ترقی کے لئے کچھ بھی نہیں کیا تو اب وزیراعلیٰ بن کر کیا کریں گے۔ وشواناتھ کا یہ بیان کانگریس کے حلقوں میں شدید غم وغصے کا سبب بنا ہوا ہے۔ اس بیان کی وجہ سے دونوں پارٹیوں کے درمیان اختلافات عروج پر پہنچ چکے ہیں۔آج خود سدرامیا نے وشواناتھ کے بیان پر اپنا ردعمل ظاہر کرتے ہوئے کہاکہ مخلوط حکومت کا حصہ ہونے کی مجبوری کے سبب وہ خاموش ہیں، وشواناتھ کے بیان کو غیر ذمہ دارانہ قرار دیتے ہوئے کہاکہ ہمیشہ متنازعہ بیانات دے کر شہرت بٹور نے والے وشواناتھ کے تازہ بیان پر وہ مخلوط حکومت کی رابطہ کمیٹی کے اجلاس میں اٹھائیں گے اور جے ڈی ایس قیادت سے گزارش کریں گے کہ ان پر لگام کسی جائے۔ انہوںنے کہاکہ اس سے پہلے جی ٹی دیوے گوڈا نے مخلوط حکومت کو نقصان پہنچانے کا بیان دیاہے اب وشواناتھ دے رہے ہیں ، پتہ نہیں آئندہ کس کی طرف سے کونسا بیان آنے والا ہے۔ بہتر ہے کہ جے ڈی ایس کے قائدین اس طرح کے بیانات پر توجہ دیں ۔ انہوںنے کہا کہ جے ڈی ایس کے بعض لیڈروں کی طرف سے بارہا غیر ذمہ دارانہ بیانات دئے جارہے ہیں۔ اور وہ خاموشی اختیار کئے ہوئے ہیں۔ لیکن جے ڈی ایس قیادت کو بھی چاہئے کہ ان لوگوں کو تاکید کریں کہ مخلوط حکومت کا حصہ ہونے کی ذمہ داری کا احساس کریں۔ اس دوران جے ڈی ایس کے رکن راجیہ سبھا کپیندرا ریڈی نے وشواناتھ کے بیان کی حمایت کرتے ہوئے کہاکہ کانگریس کو اگر مخلوط حکومت کا حصہ بننا گوارا نہیں ہے تو پھر جے ڈی ایس کو بھی اپنے راستے تلاش کرنا آتا ہے۔ انہوںنے کہاکہ وزیراعلیٰ ایچ ڈی کمارسوامی دن رات ریاست کی ترقی کے لئے اپنی صحت کی پرواہ کئے بغیر متحرک ہیں، لیکن کانگریس کے کسی رہنما کو اس کی پرواہ نہیں ہے، ہمیشہ وزیراعلیٰ کو ہراساں کرنے کے لئے ایک نئے تجربے کے ساتھ آگے بڑھتے ہیں۔ وزیر اعلیٰ کمار سوامی نے انفرادی توجہ دے کر 40ہزار کروڑ روپیوں کے زرعی قرضے معاف کئے ہیں۔ ریاست کی مالی پوزیشن کو مستحکم کیا ہے، اس کے باوجود بھی بعض کانگریس لیڈروں کی طرف سے مخلوط حکومت کو کمزور کرنے کے متعلق بارہا دئے جانے والے بیانات بند کئے جانے چاہیں۔ کپیندرا ریڈی نے کہاکہ اقتدار کے لئے جے ڈی ایس کانگریس کے پاس نہیں گئی تھی، 80سیٹوں پر کامیاب ہونے کے بعد بھی غلام نبی آزاد کی قیادت میں کانگریس قائدین جے ڈی ایس کے درپر آئے تھے، اور انہوںنے کمار سوامی کو وزیراعلیٰ بنانے کی پیش کش کی تھی، کپیندرا ریڈی نے کہاکہ اگر کانگریس کے چند قائدین اپنے بیان بازی پر قابو پالیں تو جے ڈی ایس کانگریس اتحاد کوپانچ سال ہی نہیں بلکہ دس پندرہ سال تک آگے بڑھایا جاسکتا ہے۔ اس دوران وزیر برائے اعلیٰ تعلیمات جی ٹی دیوے گوڈا نے سدرامیا کے متعلق وشواناتھ کے بیان پر تبصرے سے گریز کرتے ہوئے کہاکہ سدرامیا کا ذاتی طور پر وہ بہت احترام کرتے ہیں۔ سیاسی رقابت اپنی جگہ لیکن وشواناتھ کے بیان سے سدرامیا نے انہیں جوڑنے کی جو کوشش کی ہے وہ درست نہیں ہے۔ 

ایک نظر اس پر بھی

بنگلورو میں موسلادھار بارش سے ٹرافک جام موٹر گاڑیوں پر 25سے زائد درخت گرنے سے شدید نقصان

ہفتہ کی رات تیز ہواؤں کے ساتھ ہوئی موسلادھار بارش سے 25سے زائد درخت کئی گاڑیوں پر گرنے سے کافی نقصان پہنچاہے- ہفتہ کی شام 5بجے شروع ہوئی بارش 6:30بجے شہر کے اہم علاقوں میں کافی تیز ہواؤں کے ساتھ جاری رہی-

بنگلورو سنٹرل حلقہ: بی جے پی امیدوار پی سی موہن کو گاندھی نگر میں اکثریت

کانگریس کمیٹی کے صدر دنیش گنڈو راؤ کے اپنے حلقہ گاندھی نگر میں کانگریس کو اکثریت حاصل ہونے کی بجائے یہاں بی جے پی کو اکثریت ملی ہے- اس حلقہ میں بی جے پی امیدوار پی سی موہن کو 24,723 ووٹوں کی اکثریت حاصل ہوئی ہے-

خواب وخیال میں بھی نہیں تھا کہ لوک سبھا انتخابات کے نتائج کانگریس کے حق میں اتنے مایوس کن ہوں گے:دنیش گنڈو راؤ

لوک سبھا انتخابات میں کانگریس پارٹی کی شکست کی ذمہ داری میں اپنے سر لیتا ہوں۔ میرے خواب و خیال میں بھی نہیں تھا کہ ہم ریاست میں صرف ایک سیٹ پرکامیابی حاصل کریں گے۔

گڑگاوں میں مسلم نوجوان سے کہا گیا : اس علاقہ میں ٹوپی پہن کر آنا منع ہے ، جے شری رام نہیں کہنے پر مار پیٹ

رمضان میں دیررات مسجدوں میں تراویح کی نماز پڑھی جاتی ہے ۔ بہار کے بیگوسرائے کا رہنے والا برکت عالم بھی اتوار کی رات صدر بازار گروگرام کی جامع مسجد سے تراویح کی نماز پڑھ کر لوٹ رہا تھا ۔ برکت کا کہنا ہے کہ اسی دوران ایک بائیک پر آئے چار نوجوان اور وہاں سے پیدل گزر رہے دو دیگر ...

وائی ایس آر کانگریس کے سربراہ کی وزیراعظم مودی سے ملاقات، آندھرا کو خصوصی درجہ دینے پر زور

 وائی ایس آر کانگریس کے سربراہ جگن موہن ریڈی نے وزیر اعظم نریندر مودی سے اتوار کو دہلی میں ان کی رہائش گاہ پر ملاقات کی۔اس کے بعد انہوں نے بغیر کسی طے پروگرام کے بی جے پی کے قومی صدر امت شاہ سے ملاقات کی۔

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...