بھٹکل:21؍ستمبر(ایس اؤ نیوز)تمباکو انسداد پروگرام کے تحت تعلقہ تمباکو جانچ دستہ کی جانب سے بھٹکل کے شہری سطح پر واقع مختلف دکانوں پر چھاپہ مار کر جرمانہ عائد کیاگیا۔
قانون کی خلاف ورزی کرتےہوئے تمباکو فروخت کرنے والے 13دکانداروں سے 2200روپئے بطور جرمانہ وصول کیاگیا ۔ تعلقہ تمباکو دستہ کی کارروائی میں میڈیکل آفیسر ڈاکٹر مورتی بھٹ، بی ای اؤ منجی ، اے ایس آئی سوم راج راتھوڑ، رونیو انسپکٹر شمبھو، ضلع تمباکو انسداد کمیٹی کے صلاح کار پریم کمار وغیرہ شریک تھے۔ اس موقع پر میڈیکل آفیسر ڈاکٹر مورتی بھٹ نے کہاکہ ابھی تمباکو فروخت کرنے پر پابندی عائد نہیں کی گئی ہے۔ لیکن کھلے عام بیچنے کے ضوابط ہیں، جنہوں نے بھی ضوابط کی خلاف ورزی کی ہے ان پر جرمانہ عائد کرنا ضروری ہے۔