بیدرمیں رینبو ہائٹس اسکول کا ریٹائرڈ آئی پی ایس الحاج عبدالقیوم خان کے ہاتھوں افتتاح

Source: S.O. News Service | By I.G. Bhatkali | Published on 23rd July 2022, 11:29 PM | ریاستی خبریں |

بیدر23جولائی(ایس او نیوز/محمدامین نواز) شہر بیدر میں نونہالان ملت کے لئے رینبو ہائٹس اسکول کا افتتاح ریٹائرڈ آئی پی ایس‘ایڈوائزر(کیابنیٹ رینک) حکومت تلنگانہ نے فتیہ کاٹ کر کیا۔ اس موقع پر خطاب کرتے ہوئے انہوں نے کہا کہ پرائیویٹ اسکول قائم کرنا آسان کام نہیں ہے۔ مگر مجھے اُمید ہے  کہ جناب عبدالمجید صاحب اپنی بھر پور صلاحیتوں سے ملت کے نو نہالوں کو معیاری تعلیم کے ساتھ دینی و اخلاقی تعلیم دلانے میں کامیاب ہوں گے انہوں نے ملت کے نونہالوں کو دینی تعلیم کے ساتھ عصری تعلیم دلانا ضروری قرار دیا۔ اعزازی مہمان کے طور پرموجود شاہین ادارہ جات کے چیرمین ڈاکٹر عبدالقدیرنے اپنے خطاب میں کہا کہ امیدوں  کے ساتھ حوصلے بلند ہوں اور عزم محکم ہوں تو انقلابی جذبہ، انقلابی فکر، روشن فکر اور محکم استدلال کے ساتھ اپنے مقصد میں کامیابی حاصل کی جاسکتی ہے۔ آج کے اس جدید دور میں جناب الحاج عبدالمجید نے بیدر شہر میں نونہالانِ ملت کیلئے منفرد تعلیمی نظام اور ہر سہولیات سے آراستہ ”رینبو ہائٹس اسکول“ قائم کیا ہے جہاں معیاری تعلیم کے ساتھ ساتھ اخلاقی تعلیم اور کھیل کود پر توجہ دی جائے گی۔

ایک اورمہمانِ اعزازی جناب مولانا محمد مونس کرمانی صدر صفا بیت المال شاخ بیدر نے اپنے خطاب میں بتایا کہ اسکول کا قائم کرنا اور اسکو چلانا آج کے دور میں انتہائی مشکل کام ضرور ہے مگر جناب عبدالمجید صاحب بیدر میں ایک بہترین مشیر کی حیثیت سے جانے جاتے ہیں اور مُختلف اُمور اور ہر میدان میں وہ کافی تجربہ رکھتے ہیں‘ہمیں اُمید ہے کہ وہ اس اسکول سے ملت کے نو نہالوں کو تعلیم سے آراستہ کرکے ایک نئی تاریخ رقم کریں گے۔

آخر میں جناب الحاج عبدالمجید صاحب چیئرمین الحسین ایجوکیشن ٹرسٹ بیدر نے مہمانِ خصوصی اور تمام اعزازی مہمانان کے ساتھ ساتھ سامعین کرام کا شکریہ ادا کیا۔ پروگرام کی نظامت جناب صباحت انور صاحب نے کی‘ جبکہ پروگرام کا آغاز جناب محمد اظہر الدین کی قرات ِ کلام پا ک سے ہوا تھا۔ پروگرام میں کثیر تعداد میں معززینِ شہر موجود تھے۔

ایک نظر اس پر بھی

انکولہ - ہبلی ریلوے لائن منصوبہ : مرکزی حکومت کے وفد نے کیا مختلف مقامات کا معائنہ

ریاستی ہائی کورٹ کے حکم کے مطابق انکولہ - ہبلی ریلوے منصوبے پر عمل پیرائی کے سلسلے میں مثبت اور منفی پہلووں کا جائزہ لینے کے  مرکزی حکومت کے ایک وفد نے انکولہ اور یلاپور تعلقہ جات میں مختلف جنگلاتی علاقوں کا معائنہ کیا۔

صدر جمہوریہ دروپدی مرمو نے میسور و کے دس روزہ دسہرہ تقریبات کا افتتاح کیا

دوماہ کی تیاریوں کے بعد آج بروز پیر صدر جمہوریہ دروپدی مرمو نے میسور کے چامنڈی پہاڑ پر دس روزہ دسہرہ تقریبات کا چامنڈیشوری دیوی کی مورتی پر پھول نچھاور کرکے افتتاح کیا۔ پہلے صدر جمہوریہ نے چامنڈیشوری دیوی کے درشن کئے اور اس مندر کی تاریخ کے تعلق سے تفصیل سے جانکاری حاصل کی۔

ذہنی دباؤ بیسویں صدی کا ایک مہلک مرض؛ آئیٹا گلبرگہ کے ورک شاپ سے ڈاکٹر عرفان مہا گا وی کا خطاب

نئے دور کی شدید ترین بیماریوں میں ذہنی دباؤ اور اس سے پیدا ہونے والے اثرات کو مہلک امراض میں شمار کیا جاتا ہے ۔ روز مرہ کی مشینی زندگی میں ذہنی دباؤ  میں بہت زیادہ اضافہ ہوا ہے ۔ لیکن اس کو کیسے کم کیا جائے اس پر غور کر نے اور اس سلسلے میں کوشش کرنے کی ضرورت ہے ۔

پی ایف آئی پر ای ڈی اور این آئی اے کے کریک ڈاون کے بعد ایس ڈی پی آئی نے کہا؛ ایجنسیوں نے کبھی بھی آر ایس ایس اور اس سے منسلک تنظیموں پر چھاپہ نہیں مارا

 سوشیل ڈیموکریٹک پارٹی آف انڈیا (SDPI) کرناٹک یونٹ نے بنگلور میں اپنے ریاستی مرکزی دفتر میں ایک پریس کانفرنس کا انعقاد کرتے ہوئے الزام لگایا کہ ای ڈی اور این آئی اے نے کبھی بھی آر ایس ایس اور اس سے منسلک تنظیموں پر چھاپہ نہیں مارا بلکہ صرف پاپولرفرنٹ آف انڈیا کو ہی نشانہ بنایا ...