کانپور انکاؤنٹر: ریٹائرڈ جسٹس ششی کانت نے بکرو گاؤں پہنچ کر موقع واردات کا لیا جائزہ

Source: S.O. News Service | Published on 14th July 2020, 10:52 AM | ملکی خبریں |

کانپور،14؍جولائی (ایس او نیوز؍ایجنسی) اترپردیش کے ضلع کانپور میں 8 پولس اہلکار کے بہیمانہ قتل کی واردات کی حقیقت کا پتہ لگانے کے لئے تشکیل شدہ سنگل ممبر انکوائری کمیٹی کے تحت ریٹائرڈ جسٹس ششی کانت اگروال پیر کو چوبے علاقے میں واقع بکرو گاؤں پہنچے اورموقع واردات کاجائزہ لیا۔

تقریبا ساڑھے بارہ بجے بکرو گاؤں پہنچے ریٹائرڈ جسٹس ششی کانت اگروال نے سب سے پہلے موقع واردات کا جائزہ لیا اور کلیدی ملزم وکاس دوبے کے گھر کے نزدیک ہی انہوں نے ڈسٹرکٹ مجسٹریٹ ڈاکٹر برہم دیو تیواری اور ایس ایس پی دنیش کمار پی سے تقریبا 25منٹ تک واردات اور وکاس دوبے کا گھر گرائے جانے کے ضمن میں پوچھ گچھ کی۔ انہوں نے دنیش دوبے کے بیٹے منوج دوبے سمیت چھ افراد کی شکایتوں کو سنا اور مقامی افراد سے گفت وشنید کیا۔ تقریبا ایک گھنٹے تک گاؤں میں رہنے کے بعد وہ1:30بجے وہاں سے روانہ ہوگئے۔

قابل ذکر ہے کہ بکرو گاؤں میں ہسٹری شیٹر وکاس دوبے اور اس کے ساتھیوں نے دو تین جولائی کی رات دبش دینے گئی پولیس ٹیم پر بے تحا شہ فائرنگ کر دی تھی۔ اس حملے میں ایک سرکل افسر سمیت آٹھ پولس اہلکار شہید ہوگئے تھے جبکہ سات پولیس والے زخمی ہوئے تھے۔ حملے کے کلیدی ملزم وکاس دوبے کو مدھیہ پردیش کے اجین سے گرفتار کیا گیا تھا لیکن کانپور لاتے وقت ایک مبینہ انکاونٹر میں پولیس کی گولی لگنے سے وکاس دوبے کی موت ہوگئ۔حکومت نے پورے معاملے کی غیر جانبدارانہ جانچ کے لئے ایک ایس آئی ٹی تشکیل دی ہے تو وہیں اس واردات کی جانچ ریاستی حکومت کی جانب سے تشکیل شدہ سنگل جانچ کمیشن کررہا ہے جس کا صدر دفتر کانپور کو بنایا گیا ہے۔

ایک نظر اس پر بھی

جب تک کورونا کے حالات بہتر نہیں ہو جاتے اسکول نہیں کھولے جائیں گے: اروند کیجریوال

دہلی کے وزیر اعلیٰ اروند کیجریوال نے ہفتہ کے روز واضح کر دیا کہ دہلی حکومت اس وقت تک اسکولوں کو کھولنے کی اجازت نہیں دت گی جب تکہ راجدھانی میں کورونا وائرس سے پیدا شدہ حالات بہتر نہیں ہو جاتے۔

ہندوستان کی طرف نگاہ اٹھانے والوں کو مناسب جواب دیا جائے گا: مودی

پی ایم نریندر مودی نے آج چین اور پاکستان کا نام لئے بغیر کہا کہ ہندوستان کی طرف نگاہ اٹھانے والوں کو مناسب جواب دیا جائے گا اور لداخ میں دنیا نے اس کی جھلک دیکھی ہے۔ پی ایم مودی نے 74ویں یوم آزادی کے موقع پر لال قلعہ کی فصیل سے پرچم کشائی کے بعد ملک سےخطاب کرتے ہوئے کہا کہ پورا ملک ...

یوم آزادی: لال قلع کی فصیل سے پی ایم مودی نے مجاہدین آزادی کے ساتھ ساتھ ’کورونا واریرس‘ کو بھی کیا سیلیوٹ

زیر اعظم نریندر مودی نے ملک کی حفاظت میں اپنی جانوں کی قربانی پیش کرنے والے ہندوستان کے سپوتوں کے ساتھ ساتھ آج ملک بھر کے کورونا وائریرز کو بھی خراج عقیدت پیش کی اور سیلیوٹ کیا ۔