بھٹکل:14؍جنوری (ایس اؤ نیوز)26جنوری کو منائےجانے والے یومِ جمہوریہ کے متعلق  پیشگی تیاری میٹنگ بھٹکل اسسٹنٹ کمشنر بھرت کی صدارت میں تحصیلدار دفتر میں منعقد ہوئی۔

سرکاری اصول و ضوابط اور کووڈ انسدادی اصولوں پر عمل آوری کرتےہوئے رواں سال یومِ جمہوریہ منایاجائے گا۔ تعلقہ کے تمام  کالجوں کے اسٹوڈینٹس  کو ثقافتی پروگرام پیش کرنےکا موقع دیاگیا ہے۔ اسکاؤٹ اینڈ گائیڈس ، این سی سی ، پولس ، فوریسٹ ، فائر برگیڈ، ساحلی تحفظ دستہ مشترکہ طورپر مارچ پاسٹ پروگرام میں شریک ہوں گے ۔ تحصیلدار ایس روی چندرا، تعلقہ پنچایت افسر پربھاکر چکن منے، بی ای اؤ دیوی داس موگیر، میونسپالٹی چیف آفیسر دیوراج، جالی پنچایت چیف آفیسر اجئے بھنڈار کر سمیت مختلف محکمہ جات کے افسران ، مجلس اصلاح وتنظیم  کے ذمہ داران سمیت دیگر اداروں کے عہدیداران وغیرہ  میٹنگ میں شریک تھے۔