ہوناور تعلقہ کے ولکی میں مدرسہ اور اسکول میں منائی گئی یوم جمہوریہ تقریب
بھٹکل 26 جنوری (ایس او نیوز) پڑوسی تعلقہ ہوناور کے ولکی میں آج یوم جمہوریہ کے موقع پر ایک طرف طلباء جامعہ عمر ؓ میں تزک و احتشام کے ساتھ جشن یوم جمہوریہ منایا گیا تو وہیں ولکی پبلک اسکول میں تقریب کے موقع پراسکولی بچوں نے مختلف قسم کی کھانے کی ڈشش کی نمائش کرتے ہوئے یوم جمہوریہ منائی۔
اس موقع پر'مدرسہ فاطمۃ الزھراء ؓ کے صحن میں سعودی عرب میں مقیم جماعت المسلمین ولکی کے سابق صدر جناب فضل ہگلواڑی نے پرچم کشائی کی، جس کے بعد ریلی نکالی گئی۔ جس میں مختلف نعروں نغموں کے ساتھ ساتھ ترانے پیش کرتے ہوئے شہداء وطن کو یاد کیا گیا اور انہیں خراج تحسین پیش کی گئی۔
یوم جمہوریہ کےموقع پر مدرسہ کے اہم ذمہ دار مختار احمد فخرو نے افتتاحی کلمات پیش کئے، مولانا منہاج، مولانا فیض ندوی، مولانا محمد علی ودیگر نے یوم جمہوریہ کی مناسبت سے خطاب کیا۔ عبداللہ سمیع اللہ داولجی کی تلاوت کلام پاک سے جلسہ کا آغاز ہوا تھا۔ جبکہ مولانا فیض ندوی نے ریلی کی قیادت کی۔
اُدھر دوسری طرف ولکی اتحاد پبلک اسکول میں بھی یوم جمہوریہ کی تقریب پورے جوش و خروش کے ساتھ منائی گئی۔اعجاز سدی باپا ولکی نے پرچم کشائی کی۔ اس موقع پر اسکول کے بچوں نے مختلف کھانے کے ڈیشش کی نمائش کرتے ہوئے داد و تحسین حاصل کی۔ کسی نے ڈشش کے ذریعے ترنگا جھنڈا بنایا تھا تو کسی نے انڈیا کا نقشہ پیش کیا تھا ۔
تنظیم اسماعیل خان سڑلگی، عادل حنیف مختصر گیرسوپا، ظہیر عثمان خان سڑلگی مہمان خصوصی کے طور پر موجود تھے جنہوں نے یوم جمہوریہ کی مناسبت سے بچوں سے خطاب کیا۔ اسکول کے اہم ذمہ دار جناب مظفر شیخ صاحب نے استقبالیہ پیش کرتے ہوئے پروگرام کی نظامت کی۔ شراوتی کونسل کے صدر جناب خواجہ ابکار بھی اس موقع پر موجود تھے۔
