کاروار،30/جون (ایس او نیوز) شمالی کینرا میں آج ایک ہی دن میں کووِڈ 19کے 40نئے معاملات سامنے آ سکتے ہیں۔ معلوم ہوا ہے کہ اس میں بھٹکل کے 21افراد بھی شامل ہیں۔ ان میں سے زیادہ تر اس سے پہلے پوزیٹیو آنے والے دو مریضوں کے ابتدائی رابطے میں آنے والے اور دیگر وجئے واڑہ اور مہاراشٹرا سے واپس لوٹے ہوئے افراد ہیں۔

پتہ چلا ہے کہ بھٹکل کے علاوہ کمٹہ سے4، منڈگوڈسے3،انکولہ سے5، ڈانڈیلی، ہلیال سے ایک ایک مریض اس فہرست میں شامل ہے۔بھٹکل کے  سلسلے میں مزید کچھ تشویش ناک باتیں سامنے آ سکتی ہیں۔ ابھی ضلع انتظامیہ کی جانب باقاعدہ رپورٹ جاری ہونا باقی ہے۔