بھٹکل:22؍نومبر(ایس اؤ نیوز)تعلقہ کے ماوین کوروے گرام  پنچایت حدود کی بیلنی موگیرکیری سڑک کو اتی کرم کئے جانے سے سڑک کی دوبارہ تعمیر کے دوران چوڑائی کم ہوگئی ہے، عوامی مفاد کی خاطر پنچایت کی انتظامیہ فوری طورپر سڑک اتی کرم کو نکال باہر کرنےکی کارروائی کا مطالبہ لےکر دیہی عوام نے یوتھ منڈل کی قیادت میں پنچایت ترقی افسرکو میمورنڈم سونپا۔

بھٹکل کے بیلنی موگیرکیری روڈ کی تعمیر قریب 22برس پہلے کی گئی تھی، اس وقت سے لے کر اب تک گرام پنچایت، تعلقہ پنچایت، پی ڈبلیو ڈی ، ضلع پنچایت، رکن اسمبلی کی امداد، پردھان منتری گرام سڈک منصوبہ سمیت کئی سرکاری اسکیموں کے ذریعے سڑک کو ترقی دی جاتی رہی ہے۔ اب ندی کنارے واقع منڈلی کو جوڑنے والے برج اور سڑک کا کام جاری ہے، مگر ابتداء میں بیلنی موگیرکیری سڑک کی جتنی چوڑائی تھی یعنی 5میٹر کی چوڑائی گھٹ کر 2.75میٹر ہوگئی ہے۔ سڑک سے متصل 1.5میٹر کی اندرونی نالی غائب ہوگئی ہے، سڑک اتی کرم کئے جانےکی وجہ سے 4میٹر کی چوڑائی والے راستے کی تعمیر بھی ممکن نہیں ہو پا رہی  ہے۔ جس کے نتیجے میں اسکولی بچوں ، عوام کو مشکلات کا سامنا ہے۔ متعلقہ معاملہ کو لےکر کئی مرتبہ اپیل کی بھی گئی تو پنچایت کی طرف سے کوئی کارروائی نہیں ہوئی ہے، کم ازکم اب تو اس سلسلےمیں معائنہ کرتے ہوئے کارروائی کرنے کا میمورنڈم میں مطالبہ کیاگیا ہے۔ ماوین کوروے گرام پنچایت کے ترقی جات افسر کومل موگیر نے میمورنڈم وصول کیا۔ کیشوؤ موگیر، دیوی داس موگیر، گوند موگیر، پرمیشور موگیر، ناگپا موگیر، شنکر موگیر وغیرہ موجود تھے۔