نئی دہلی،15/جولائی (ایس اونیوز/ آئی این ایس انڈیا) راجیہ سبھا میں پیر کو وائی ایس آر کانگریس کے ایک رکن نے پاکستان کی جیلوں میں بند ہندوستانی ماہی گیروں کا مسئلہ اٹھایا اور حکومت سے ان کی جلد رہائی اور ان کے خاندانوں کو کونسلر سہولت مہیا کرائے جانے کا مطالبہ کیا۔وائی ایس آر کانگریس کے وی وجے سائی ریڈی نے وقفہ صفر میں یہ مسئلہ اٹھاتے ہوئے کہا کہ گزشتہ سال پاکستانی شپنگ سیکورٹی ایجنسی نے غیر قانونی طریقے سے ہندوستانی آبی علاقے میں داخل ہو کر 46 ہندوستانی ماہی گیروں کو پکڑ لیاانہوں ہونے کہا کہ ان 46 ہندوستانی ماہی گیروں کو گزشتہ سال اکتوبر نومبر میں پکڑا گیا۔ان میں سے 22 ماہی گیر آندھرا پردیش کے تھے جو ماہی گیری والے ٹرالروں میں کام کرنے کے لئے گجرات گئے تھے۔ان تمام ماہی گیروں کو کراچی کی جیل میں عدالتی حراست میں رکھا گیا ہے۔ 

ریڈی نے کہا کہ پاکستان کے مطابق کم سے کم 483 ہندوستانی ماہی گیر اس کی جیلوں میں بند ہیں۔انہوں نے سوال کیاکہ جب پاکستانی شپنگ سیکورٹی ایجنسی نے ہندوستانی آبی علاقے پر قبضہ کیا تب ہندوستان کوسٹ گارڈ کیا کر رہے تھے۔ریڈی نے بتایا کہ انہوں نے اس وقت کے وزیر خارجہ سشما سوراج کے سامنے یہ مسئلہ اٹھایا تھا جنہوں نے ماہی گیروں کے خاندانوں کو کونسلر سہولت مہیا کرانے کی یقین دہانی کرائی تھی۔لیکن آٹھ ماہ گزر گئے، اب تک نہ تو ان ماہی گیروں کے خاندانوں کو کونسلر سہولت مہیا کرائی گئی اور نہ ہی ماہی گیروں کی رہائی ہوئی۔وائی ایس آر کانگریس کے رکن نے حکومت ہند سے اس معاملے میں فوری مداخلت کرنے، ان کے خاندانوں کو کونسلر سہولت فراہم کرتے ہیں اور ماہی گیروں کی جلد رہائی کویقینی بنائے جانے کا مطالبہ کیا۔مختلف جماعتوں کے ارکان نے ان کے اس مسئلے سے اتفاق کیا۔