کاروار:19؍ستمبر(ایس اؤ نیوز)جہاں بھی ایندھن کا استعمال کریں ہم ضرورت کے تحت کریں آج کل ایندھن کازیادہ تر غلط استعمال ہورہاہے جس کے نتیجے میں آئندہ حالات بگڑ سکتےہی۔ آئی اؤ سی ایل بیلگام کے چیف ریجنل مینجر وی رمیش بابو نے ان خیالات کا اظہار کیا۔
وہ یہاں بھٹکل تعلقہ کے بیلکے ہائی اسکول میں انڈین آئیل کارپوریشن ، رفعت ایجنسی ، رنجن انڈین ایجنسی اور جرنلسٹ اسوسی ایشن کے اشتراک سے طلبا کے لئے منعقدہ ’گفتگو‘پروگرام کی صدارت کرتےہوئے خطاب کررہے تھے۔ انہوں نے کہاکہ پٹرول، ڈیزل سمیت قدرتی ایندھن غیر ضروری طورپر استعمال کیا جارہاہے۔ آسانی سے ملنے والے ایندھن کا غلط استعمال بہت ہورہاہے۔ جس سے آئندہ چند برسوں میں یہ سب خالی ہوجائے گا تو حالات سنگین ہوسکتے ہیں۔ انہوں نے نئی نسل سے کہاکہ وہ متبادل طریقوں اور وسائل پر غور کریں۔ جرنلسٹ اسوسی ایشن کے صدر رام چندر کنی نے مہمان خصوصی کی حیثیت سے خطاب کیا۔ رنجن انڈین ایجنسی کی مالک شیوانی شانتارام نے افتتاحی کلمات پیش کرتےہوئے استقبا ل کیا۔
بیلکے ہائی اسکول کے فزیکل ٹیچرپرکاش شرالی کی اپیل پر رنجن ایجنسی کی مالک شیوانی شانتارام نے ہائی اسکول کے 70طلباکو جرسیوں کا عطیہ دیا۔ ثقافتی مقابلہ جات میں جیت حاصل کرنےو الے طلبا میں انعامات کی تقسیم ہوئی۔ ضلع سطح کے بیسٹ ٹیچر ایوارڈ یافتہ ریشما نایک کی تہنیت کی گئی ۔ استاد این جی گوڈا ، پرکاش شرالی نے نظامت کی۔ اسکول کی صدر مدرسہ بھارتی شانبھاگ نے شکریہ اداکیا۔