بھٹکل میں ریکارڈ بارش کا امکان :اب تک 4243ملی میٹر ریکارڈ کی گئی ہے بارش
بھٹکل:3؍ستمبر (ایس اؤ نیوز)اترکنڑا ضلع میں چراپونجی کے نام سے معروف بھٹکل میں گزشتہ دو مہینوں سے برسی مسلسل بارش کے نتیجے میں ستمبر کے اوائل میں ہی روایتی بارش کی پیمائش سے زائد یعنی 4172.1ملی میٹر کی حد کو پار کرگئی ہے۔
منگل کی صبح تک 82ملی میٹربارش درج کی گئی ہے۔ امسال بارش کی پیمائش میں 4243ملی میٹر تک اضافہ ہواہے۔ اگر ہم گزشتہ 10برسوں کی بارش کی پیمائش کا موازنہ کریں تو بھٹکل میں کبھی 80فی صد سے کم بار ش نہیں ہوئی ہے۔ خاص بات یہ ہے کہ 4مرتبہ بھٹکل میں بارش کی پیمائش اپنی حد سے یعنی 5000ملی میٹر سے زائد بارش درج کی گئی ہے۔ سال بہ سال دیکھیں توہمیں ذیل کی تصویر نظر آتی ہے۔
سال پیمائش سال پیمائش
2009 4964.1ملی میٹر 2010 5258.8ملی میٹر
2011 4523.6ملی میٹر 2012 3430ملی میٹر
2013 4918.2ملی میٹر 2014 3654.2ملی میٹر
2015 3462ملی میٹر 2016 3422.7ملی میٹر
2017 3903.4ملی میٹر 2018 3600ملی میٹر
رواں سال میں ابھی ایک اور مہینےتک بارش جاری رہے گی۔ غور کرنےوالی بات یہ ہے کہ امسال 6مرتبہ 100ملی میٹر سے زائد بارش ہوئی ہے، اسی طرح 2 مرتبہ 200ملی میٹر سے زائد اور 23مرتبہ 50ملی میٹر سے زائد بارش درج کی گئی ہے۔ محکمہ موسمیات نے عندیہ دیا ہے کہ رواں سال اکتوبر تک بارش جاری رہے گی جس کو دیکھتے ہوئے اس مرتبہ بارش کی پیمائش کا نیا ریکارڈ درج ہونے کے امکانات ہیں۔