تاریخ رقم نہیں کر پائے روی دہیا، پھر بھی چاندی کا تمغہ حاصل، ہریانہ حکومت دے گی 4 کروڑ روپے

Source: S.O. News Service | Published on 6th August 2021, 12:38 AM | ملکی خبریں | اسپورٹس |

چندی گڑھ،6؍اگست (ایس او نیوز؍ایجنسی) ٹوکیو اولمپک میں آج کشتی میں ہندوستان کے پہلوان روی دہیا فائنل میں زبردست مقابلہ کے باوجود شکست کھا گئے۔ اولمپک میں کشتی کے کھیل میں گولڈ حاصل کر تاریخ رقم کرنے کا سہرا ان کے سر نہیں بندھ سکا، لیکن چاندی کا تمغہ حاصل کر انھوں نے ہندوستان کو فخر کا موقع ضرور فراہم کیا۔ روی دہیا کو فائنل میں روسی پہلوان جاوُر یوگیو نے 4-7 سے شکست دی۔ اسی کے ساتھ ہندوستان کی 13 سال بعد گولڈ میڈل جیتنے کی امید کو بھی جھٹکا لگا۔

چاندی کا تمغہ جیتنے کے بعد سوشل میڈیا پر روی دہیا کی خوب تعریفیں ہو رہی ہیں اور سرکردہ شخصیات کے ذریعہ انھیں مبارکباد پیش کیے جانے کا سلسلہ بھی شروع ہو گیا ہے۔ وزیر اعظم نریندر مودی اور ہریانہ کے وزیر اعلیٰ منوہر لال کھٹر نے ہریانوی پہلوان کو مبارکباد پیش کی ہے اور وزیر اعلیٰ نے تو انھیں 4 کروڑ روپے بطور انعام دینے کا اعلان بھی کر دیا ہے۔ علاوہ ازیں روی دہیا کے سونی پت واقع ناہڑ گاؤں میں ایک اِن ڈور اسٹیڈیم بنانے کا اعلان بھی کیا گیا ہے۔

وزیر اعظم نریندر مودی نے روی دہیا کو چاندی کا تمغہ ملنے پر خوشی کا اظہار کرتے ہوئے ایک ٹوئٹ کیا ہے جس میں لکھا ہے کہ ’’روی کمار دہیا ایک شاندار پہلوان ہیں۔ ان کی لڑائی کا جذبہ اور محنت قابل قدر ہے۔ ٹوکیو اولمپک 2020 میں سلور میڈل جیتنے کے لیے انھیں مبارکباد۔ ہندوستان کو ان کی حصولیابیوں پر فخر ہے۔‘‘

واضح رہ کہ ٹوکیو اولمپک میں ہندوستانی پہلوان روی کمار دہیا اور روسی پہلوان جاوُر یوگیو آمنے سامنے تھے۔ 57 کلو گرام وزن والے زمرے کے اس مقابلے پر پوری دنیا کی نگاہیں مرکوز تھیں۔ غور طلب ہے کہ روی دہیا اولمپک کے فائنل میں پہنچنے والے دوسرے ہندوستانی پہلوان ہیں۔ ان سے قبل سوشیل کمار 2012 میں فائنل میں پہنچے تھے اور سلور میڈل حاصل کیا تھا۔

ایک نظر اس پر بھی

یوگی آدتیہ ناتھ نے گنائے 4.5 سال کے کام، اکھلیش یادو نے بتایا جھوٹ، پرینکا گاندھی نے کہا ’ناکام رہی حکومت‘

اتر پردیش کے وزیر اعلیٰ یوگی آدتیہ ناتھ نے اتوار کے روز اپنی حکومت کا رپورٹ کارڈ جاری کر دیا اور اطلاع دی کہ ان کی حکومت نے گزشتہ 4.5 سالوں میں کیا کیا ترقیاتی کام کئے۔

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...