نئی دہلی،15؍اکتوبر(آئی این ایس انڈیا) شیو سینا کے رکن پارلیمنٹ سنجے راوت نے کہا ہے کہ سال 2024 میں راون کو مکمل طور پر جلا دیا جائے گا۔ راجیہ سبھا رکن پارلیمنٹ جمعرات کو صحافیوں سے بات چیت کر رہے تھے۔ اس دوران انہوں نے کہاہے کہ ایک راون پٹرول اور ڈیزل ہے جو کل جلایاجائے گا۔ جو کہ گھبراہٹ کا باعث ہے اور سال 2024 میں راون کو مکمل طور پر جلا دیا جائے گا۔ سنجے راؤت نے کہاہے کہ پٹرول اور ڈیزل کے راون جلانے کا عمل کل یعنی دسہرہ کے دن سے شروع ہوگا۔

ہم ایک راون جلائیں گے اور 2024 میں اسے مکمل طور پر جلا دیں گے۔2024 میں ملک میں عام انتخابات ہونے والے ہیں۔ دلچسپ بات یہ بھی ہے کہ اس سال اسمبلی انتخابات بھی مہاراشٹر میں ہوں گے۔ تقریباََدو دن تک مستحکم رہنے کے بعد جمعرات کو ملک بھر میں پٹرول اور ڈیزل کی قیمتوں میں ایک بار پھر اضافہ ہوا ہے۔ ممبئی میں پٹرول کی قیمت میں 0.34 پیسے فی لیٹر کا اضافہ ہوا ہے جبکہ ڈیزل کی قیمت میں 0.37 پیسے فی لیٹر اضافہ ہوا ہے۔