بھٹکل 12/اپریل (ایس او نیوز)  بھٹکل ٹاون میونسپالٹی کی طرف سے  میونسپالٹی کے تمام  صفائی و دیگر کرمچاریوں کو راشن کٹس فراہم کرنے کے ساتھ ساتھ ان کو کورونا وبا سے محفوظ رکھنے کےلئے اُن کا میڈیکل چیک آپ کرایا گیا ساتھ ساتھ اُن کی تھرمل اسکریننگ بھی کی گئی۔ڈاکٹر سمیع اللہ جلال الدین نے زائد از پچاس ورکروں کی طبی جانچ کی۔

اس موقع پر گفتگو کرتے ہوئے ہیلتھ انسپکٹر سوجیا سومن نے بتایا کہ پورے شہر میں کورونا وبا کو لے کر لاک ڈاون چل رہا ہے، ہرکوئی اپنے اپنے گھروں میں بند ہیں مگر میونسپالٹی کے تمام ورکرس پوری ایمانداری سے اپنی ڈیوٹی نبھارہےہیں۔ سُوجیا نے بتایا کہ صاف صفائی سمیت کچروں کو گھر گھر جاکر لانے اور اسے ٹھکانے لگانے کا کام بھی برابر جاری ہے۔ انہوں نے میونسپالٹی ورکروں کی  ستائش کرتے ہوئے کہا کہ ہرکوئی اپنی خدمات انجام دے رہا ہے۔ اس موقع پر میونسپل چیف آفسر دیوراج بھی  موجود تھے۔